Куонкуруска Саха Өрөспүүбүлүкэтин муниципальнай тэриллиилэриттэн оҕо ускуустубатын оскуолалара кытыннылар, кинилэр бэйэлэрин үөрэх уонна педагогическай практикаларын билиһиннэрдилэр. Талыыны эрэгийиэннээҕи хамыыһыйа ыытта, онно муусука, хореография, ускуустуба үөрэҕин салайааччылара, үөрэх тэрилтэлэрин салайааччылара уонна култуура профильнай тэрилтэлэрин бэрэстэбиитэллэрэ кытыннылар.
Региональнай хамыыһыйа үлэтин түмүгүнэн, идэтийии үрдүк таһымын, үөрэх үлэтин көдьүүһүн уонна өрөспүүбүлүкэ ускуустуба үөрэҕин систиэмэтин сайыннарыыга кылааттарын көрдөрбүт кыайыылаахтар быһаарылыннылар:
- «Куорат бастыҥ оҕо ускуустубатын оскуолата» номинацияҕа – Хаҥалас улууһун «Покровскайдааҕы оҕо художественнай оскуолата» (дириэктэр Харитонов Александр Васильевич);
- «Тыа сирин бастыҥ оҕо ускуустубатын оскуолата» номинацияҕа – Горнай улууһун «Бэрдьигэстээҕи оҕо ускуустубатын оскуолата» (дириэктэр Ксенофонтова Туйаара Прокопьевна);
- «Оҕо ускуустубатын оскуолатын бастыҥ преподавателэ» номинацияҕа – Булуҥ улууһун «Тиксиилээҕи оҕо ускуустубатын оскуолата» скрипка кылааһын преподавателэ Инга Владимировна Олешкевич;
- «Оҕо ускуустубатын оскуолатын бастыҥ эдэр преподавателэ» номинацияҕа – Горнай улууһун «Бэрдьигэстээҕи оҕо ускуустубатын оскуолата» фортепиано преподавателэ Куннэй Николаевна Константинова.
Эрэгийиэннээҕи түһүмэх кыайыылаахтара «Оҕо ускуустубатын бастыҥ оскуолата» уонна «Оҕо ускуустубатын оскуолатын бастыҥ преподавателэ» Бүтүн Арассыыйатааҕы куонкурустар уокуруктааҕы түһүмэхтэригэр кыттыахтара, ол Хабаровскай куоракка 2026 сыл балаҕан ыйын 21 күнүттэн алтынньы 18 күнүгэр диэри ыытыллыа.
"Кыайыылаахтары ситиһиилэринэн эҕэрдэлиибит уонна идэлэригэр үрдүк ситиһиилэрин билинэбит. Куонкурус кыттыылаахтарыгар айымньылаах үлэлэрин, идэлэрин үрдэтиигэ дьулуурдарын, Саха Өрөспүүбүлүкэтин ускуустуба үөрэҕин систиэмэтин сайыннарыыга кылааттарын иһин махтанабыт!", -- диэн министиэристибэ саайта суруйар.
Хаартыска: Култуура уонна духуобунай сайдыы министиэристибэтин пресс-сулууспата
-
0
-
0
-
0
-
0
-
0
-
0
