Кыттааччылары Ил Дархан Айсен Николаев уонна биллэр успуорт гимнаhа, олимпийскай чөмпүйүөн Никита Нагорнай эҕэрдэлээтилэр.
“Тоҕус сыл анараа өттүгэр дойдубут Бэрэсидьиэнэ Владимир Путин ГТО-ну сөргүтэр туһунан ыйаахха илии баттаабыта. Быйылгы “МУУС УСТАР” бэстибээл чэрчитинэн ГТО нуормаларын толорууга “Двигайся и достигай!” диэн трек киирдэ. Мин оскуолаҕа үөрэнэр кэммэр нормативтары туттарбытым. Дойдубутугар патриотизм, култуура уонна успуорт үтүө үгэстэрэ сөргүтүллэриттэн үөрэбин. Ыччаттарбытыгар биллииллээх спортсменнар холобурдара успуорка уонна олоххо ситиһиилэнэллэригэр көҕүлүө”, - диэн Айсен Николаев эттэ.
Тэрээһин арыллыытыгар фигурнай хаҥкылааhыҥҥа 2022 сыллааҕы олимпиада чөмпүйүөнэ Камила Валиева, художественнай гимнастикаҕа 2012 сыллааҕы олимпиада чөмпүйүөнэ Ксения Дудкина, 2016 сыллааҕы спортивнай гимнастикаҕа олимпиада үрүҥ көмүс призера Дарья Нагорная, Арассыыйа художественнай гимнастката, норуоттар икки ардыларынааҕы успуорт маастара Лала Крамаренко кытыннылар.
Улусмедиа хаартыската.
- 1
- 0
- 0
- 0
- 0
- 0