Издательский дом Редакция Подписка
Погода в Якутске: . -12 oC

7000 тахса көхтөөх ыччат иккис «Muus uSTAR» фестивальга  түмсэн, уопут атастаста, бастыҥнары ааттаата.

7000 тахса көхтөөх ыччат иккис «Muus uSTAR» фестивальга  түмсэн, уопут атастаста, бастыҥнары ааттаата.

Саха Сирин уонна Уһук Илин ыччатын биисинэскэ саҕалааһыннарыгар, айыыга-тутууга, спорка, цифровой саҕалааһыҥҥа былааһаккаҕа кубулуйда. Кыттыылаахтар туһалаах уопуту, билиини ыллылар, араас салааларга бастыҥнары, күүстээхтэри кытары сирэй көрүстүлэр.

Тэрээһин аһыллыытыгар дойду Бэрэсидьиэнэ Владимир Путин эҕэрдэтин аахтылар.

«Muus uSTAR» ыччат фестивалын кыттыылахтарын эҕэрдэлиибин. Былырыын саҥа төрүттэммит бырайыак быйыл өссө улаатан, кэҥээн, улахан өйөбүлү ылбыта үөрдэр. Бүгүн Дьокуускай куорат дойду араас эрэгийиэннэриттэн талааннаах ыччаты көрсөр, уолаттарга, кыргыттарга куонкурустарга, интэриэһинэй кэпсэтиилэргэ уонна "төгүрүк остуолларга" кыттарга кыах биэрэр» диэн эҕэрдэ сурукка этиллибит.

Ил Дархан Айсен Николаев Өрөспүүбүлүкэ ыалдьыттарын уонна олохтоохторун олус иһирэх тылынан эҕэрдэлээтэ.

«Сахабыт Сиригэр дойдуларын истиҥник таптыыр саҥа үйэ ыччата улаатан эрэриттэн олус үөрэбин. Бүгүн дойдубутугар эһиги өйөбүлгүт ирдэнэр, мин итэҕэйэбин, хас биирдиигит тылынан эрэ буолбакка, ис дууһатынан төрөөбүт дойдутун таптыырыгар. Биһиги эһиэхэ эрэнэбит! Эһиги талааннаах бэртээхэй ыччаттаргыт. Фестивальга ыҥырыллан кэлбит ыалдьыттар – спорт, култуура, наука чаҕылхай сулустара кыттыыны ыллылар. Кинилэри кытары уопут атастаһан, эһиги аартыккыт өссө күүскэ арыллыа,  аан дойдуга биллэр үрдүк ситиһиилэниэххит», -диэн ыччакка туһаайан Айсен Николаев эттэ.

Фестиваль ыытааччыларынан тыйаатыр уонна киинэ артыыһа, ТНТ ханаал «Comedy Woman» бырайыагын кыттыылааҕа Мария Кравченко уонна тэлэбидэнньэ уонна киинэ артыыһа Михаил Башкатов буоллулар.

«Триумф» сүрүн сыанатыгар фестиваль чэрчитинэн ыытыллыбыт куонкурустар кыайыылахтарын ааттаатылар. Быйылгы фестиваль 13 трегы сомоҕолуур: «Литература», «Саха Сирин муусуката», «Киберспорт», «Успуорт», «Эдэр учуонай», «Fashion», «Esg», «Digital & IT», «Эдэр биисэнэс», «Кинематограф уонна ускуустуба», «Мультипликация уонна анимация», «Үҥкүү кыбаартала», «Журналистика уонна блогинг».

«Muus uSTAR» иккис ыччат фестивалыгар 7 тыһыынчаттан тахса киһи кыттыыны ылла. Тэрээһин хедлайнердарынан норуоттар икки ардыларынааҕы таһымнаах дойду биллэр дьоно буоллулар. Кинилэри кытары алтыһан, биһиги ыччаппыт туһалаах уопут уонна билии ылбыттара саарбахтаммат. Ол курдук, ыалдьыттарынан биллэр Россия художественнай гимнасткалара, Олимпийскай оонньуулар кыттыылаахтара, Россия холбоһуктаах хамаандатын чилиэннэрэ, спорт үтүөлээх маастардара Арина уонна Дина Авериналар, актер, киинэ режиссерэ, үҥкүү туруорааччы, «Танцы» шоу эспиэрэ  Егор Дружинин, истилиис, «Your style. Гид по стилю и моде» уонна «Энциклопедия ДНК стилей» кинигэлэр ааптардара, «Style with Gala» истиил оскуолатын төрүттээччи  Гала Борзова, Россияҕа аан маҥнайгы соҕотох хаҥкылааһыҥҥа олимпийскай чемпионката Аделина Сотникова, «Союзмультфильм» устуудьуйа дириэктэрэ  Борис Машковцев, «Развитие человеческого капитала» АНО генеральнай дириэктэрэ Максим Киселев уонна да атыттар кыттыыны ыллылар.

Фестивальга олус кэрэ көстүүлээх мэппинг-шоу уонна дроннар шоулара буолла, дьон болҕомтотун күүскэ тарта, биһирэбили ылла.

Манна даҕатан эттэххэ, тэрээһини СӨ Бырабыыталыстыбата уонна Росмолодежь тэрийдилэр. Фестиваль сүрүн партнера «Эльгауголь» хампаанньа, партнёрдар – «Якутия» авиахампаанньа уонна Транснефть. Иһитиннэрэр-биллэрэр партнердар – МУЗ-ТВ, Rutube, ВКонтакте, «Саха» НКИХ.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением