Буолаары турар Оонньуулар логотиптарын бу күннэргэ Дьокуускайга билиhиннэрдилэр.
СѲ Баhылыгын уонна СѲ Бырабыыталыстыбатын пресс-сулууспата иhитиннэрэринэн, саҥа логотип сүрүн композициятыгар сайыҥҥы сырдык күн анныгар нэлэhийэр Туймаада хочотун уобараhын иннин диэки дьулуруйар оҕо силуэтынан кѳрдѳрбүттэр.
Ону тэҥэ бу ойууга Оонньуулар кыттааччыларын икки ардыларыгар доҕордоhуу, тэҥҥэ үлэлэhии уонна хардарыта ытыктабыллаах сыhыан, итиэннэ Азия бары муннуктарыттан сылдьар оҕолору омуктарыттан, тылларыттан уонна култуураларыттан тутулуга суох успуорт сомоҕолуур идиэйэтэ кѳрдѳрүллэр.
Логотипка Туймаада хочотун от күѳх, Ѳлүѳнэ ѳрүс халлаан күѳх уонна саха култууратын биир сүрүн символынан буолар Күн араҕас ѳҥнѳрѳ бааллар.
Биллэн турар, «Азия оҕолоро» Оонньуулар норуоттар икки ардыларынааҕы логотиптара эмиэ киирбит.
Бу саҥа логотип «Азия оҕолоро» VIII Норуоттар икки ардыларынааҕы спортивнай оонньуулар бары кыттааччыларыгар уонна кѳрѳѳччүлэригэр сомоҕолоhуу уонна ѳрѳ кѳтѳҕүллүү сүдү символа буолуоҕа диэн тэрийээччилэр эрэнэллэр.
Хаартыска аhаҕас источниктан ылылынна.
-
0
-
0
-
0
-
0
-
0
-
0
