Бу тэрээһин аан бастаан 2003 сыллаахха Чурапчы улууһун Бахсы нэһилиэгэр Барашков Иннокентий Федорович тэрийиитинэн буолбута. Күрэхтэһии билигин юридическай статустаах, регистрациялаах, хас да улууска күрэхтэһиини ыытар, тэрийэр көҕүлүүр дьонноох, бэрэстэбиитэллэрдээх. Эрэгийиэннээҕи улахан уопсастыбанан буолар. 2019 сылтан Саха Өрөспүүбүлүкэтин чемпионата ыытыллар статуһун ылбыта.
Күрэхтэһии сылын аайы кэккэ улуустарга эмиэ ыытыллар буолла. Онно хорсун санаалаах суоппардар өрөспүүбүлүкэ араас муннугуттан тоҕуоруһаллар. Ол курдук, Таатта улууһун Игидэй нэһилиэгэр быйыл бу күрэхтэһии үһүс төгүлүн ыытылынна. Тэрийээччи -- нэһилиэк урбанньыта, биир бастыҥ ыччаппыт Аргунов Петр Петрович. Бэйэтэ өрөспүүбүлүкэҕэ, улууска ыытыллыбыт "Хаар айан" күрэхтэһии кыттыылааҕа.
"Кубок Дэбдиргэ-2022" күрэхтэһии Ньалаҕаайы алааһыгар кулун тутар 5 күнүгэр буолан ааста. Бу күрэхтэһиигэ "Автоклуб Дэбдиргэ" уолаттара сүрүн күүс буоллулар. Эрдэттэн күрэхтэһии ыытыллар трассатын оҥорууттан саҕалаан, тэрээһин бүтэһик хомуллуутугар тиийэ үлэлииллэр.
Күрэхтэһии барыта 6 түһүмэҕинэн барда. 40 массыына инжектордарга уонна көрбүрээтэрдэргэ диэн тус туһунан кытыннылар. Түмүк маннык буолла:
"КУБОК ДЭБДИРГЭ-2022" ТҮМҮГЭ:
“Драг -- инжекторы”
I миэстэ – “ТААТТА БАРС” (Таатта)
II миэстэ – “Арылаах Хантер” (Чурапчы)
III миэстэ – “Фортуна” (НАМ)
“Драг -- карбюраторы”
I миэстэ – “Догдоно” (Мэҥэ Хаҥалас)
II миэстэ – “Чаҕыл” (Таатта)
III миэстэ – “МУГУДАЙ” (Чурапчы)
“ФЛАГ -- ИНЖЕКТОРЫ”
I миэстэ – “Таатта Барс” (Таатта)
II миэстэ – “ЖБ” (Чурапчы)
III миэстэ – “Фортуна” (НАМ)
“Флаг -- карбюраторы”
I миэстэ – “Чаҕыл” (Таатта)
II миэстэ – “Маруся” (Чурапчы)
III миэстэ – “Догдоно” (Мэҥэ Хаҥалас)
“Спринт -- инжекторы”
I миэстэ – “Таатта Барс” (Таатта)
II миэстэ – “Пума” (Чурапчы)
III миэстэ – “Мустанг” (Мэҥэ Хаҥалас)
“Спринт -- карбюраторы”
I миэстэ – “Баат” (Уус Алдан)
II миэстэ – “Курбуһах” (Уус Алдан)
III миэстэ – “Ягуар” (Таатта)
Инжектордаахтарга муҥутуур кыайыылаах – “ТААТТА БАРС” (Таатта)
Көрбүрээтэрдээхтэргэ чөмпүйүөн – “ДОГДОНО” (Мэҥэ Хаҥалас
"Хаар айан" тыыннаах номоҕо Петр Васильев-Шумахер бэйэтинэн кэлэн кыттыыта уонна хас да көрүҥҥэ бастааһына күрэхтэһиини өссө ордук сытыырхатта уонна киэргэттэ.
Олохтоохтортон сыыдам сырыылаах хорсун суоппар Потапов Евгений Павлович бастыҥнар кэккэлэригэр дорҕоонноохтук ааттанна.
Биир дойдулаахтарбыт, Ытык Күөлгэ олорор Степанов Николай уонна Чөркөөххө олорор Нестеров Дьулустаан кыайыы үөрүүтүн, өрөгөйүн билэн бардылар.
Күрэхтэһиигэ спонсордаатылар: Игидэй нэһилиэгин муниципальнай тэриллии баһылыга Марков Егор Алексеевич, улуус тэрилтэлэриттэн Аргунов Роман Иванович, "Уйгу" маҕаһыын (В.В. уонна В.М. Никифоровтар), "Маарыкчаан" Н.Н. Луковцев, "Аллан" маҕаһыын (Н.Г. Винокуров), Дэбдиргэттэн "Аартык" маҕаһыын (В.В. Габышев), Бурмистров Иван Ильич.
Үгэскэ кубулуйбут "Хаар айан" күрэхтэһии өссө да буола турдун!
Гизелла Попова суруйуута,
Альбер Попов хаартысклара, устуута.
- 0
- 0
- 0
- 0
- 0
- 0