Издательский дом Редакция Подписка
Погода в Якутске: . -12 oC

Бүгүн Дьокуускайга олимпийскай чѳмпүйүѳн, ССРС успуорка үтүөлээх маастара, Арассыыйа уонна ССРС үтүөлээх тренерэ Роман Дмитриев сырдык кэриэһигэр көҥүл тустууга норуоттар икки ардыларынааҕы турнир саҕаланна. 2003-2005 сс. төрүөх 260 спортсмен кытталлар. Уопсайа 13 дойдуттан кыттааччылар кэлбиттэр

Бүгүн Дьокуускайга олимпийскай чѳмпүйүѳн, ССРС успуорка үтүөлээх маастара, Арассыыйа уонна ССРС үтүөлээх тренерэ Роман Дмитриев сырдык кэриэһигэр көҥүл тустууга норуоттар икки ардыларынааҕы турнир саҕаланна. 2003-2005 сс. төрүөх 260 спортсмен кытталлар. Уопсайа 13 дойдуттан кыттааччылар кэлбиттэр

Көбүөргэ Азербайджан, Армения, Белоруссия, Греция, Индия, Иран, Казахстан, Кыргызстан, Монголия, Узбекистан, Таджикистан, Молдова биллэр бөҕөстөрө, маны тэҥэ Арассыыйа 27 эрэгийиэниттэн, ол иһигэр дойду юниорскай сборнайа тахсыахтара, күөн көрсүөхтэрэ.

Турнир 10 сыллаах историятыгар аан маҥнайгытын Арассыыйа, Азербайджан, Узбекистан, Кыргызстан, Монголия, Белоруссия уонна Греция 83 юниорката кыттыыны ылар.

Юниоркалар истэригэр дойду сборнайын ыстаарсай тренерэ Анна Карташова этэринэн, инникитин күрэхтэһии маннык саастаах кыргыттарга Арассыыйа сборнайын састаабыгар киирэргэ сүүмэрдиир түһүмэх буолуон сөп.

Арассыыйа тустуу Федерациятыттан Петр Юмшанов бэлиэтээбитинэн, Роман Дмитриев мемориалын тутууга федеральнай бүддьүөттэн үбүлээһин быйыл аан маҥнайгытын көрүлүннэ.

Арайссыыйа 16 эрэгийиэниттэн 26 судьуйа уонна Саха Сириттэн 10 судьуйа күрэх хардыыларын бэлиэтиэхтэрэ. Кылаабынай судьуйанан норуоттар икки ардыларынааҕы категориялаах судьуйа Анатолий Ковалев үлэлиэҕэ.

Санатан эттэххэ, турнар Дьокуускайга “Өрөгөй” успуорт уораҕайыгар кулун тутар 10-12 күннэригэр ыытыллар.

Күрэхтэһии онлайн-трансляциятын Арассыыйа спортивнай тустуу Федерациятын ютюб-ханаалларыгар ( WrestRusRu-YouTube) уонна “Өрөгөй” успуорт киинин ханаалыгар көрүөххэ сөп.

  • 1
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением