Издательский дом Редакция Подписка
Погода в Якутске: . 24 oC

От ыйын 10 күнүгэр Ил Дархан Айсен Николаев үөрүүлээх быһыыга “Азия оҕолоро” норуоттар икки ардыларынааҕы Оонньуулар кыайыылаахтарын уонна призердарын кытта көрүстэ, кыайыылаахтарга харчы сэртэпикээттэрин туттарда.

От ыйын 10 күнүгэр Ил Дархан Айсен Николаев үөрүүлээх быһыыга “Азия оҕолоро” норуоттар икки ардыларынааҕы Оонньуулар кыайыылаахтарын уонна призердарын кытта көрүстэ, кыайыылаахтарга харчы сэртэпикээттэрин туттарда.

Көрүҥнэринэн бастаабыт оҕолор 50-нуу тыһыынча, иккис буолбуттар – 30-туу тыһыынча, үһүстэр – 20-лии тыһыынча солкуобайы тутан үөрдүлэр-көттүлэр. 

“Биһиги чөмпүйүөннэрбит, призердарбыт, тириэньэрдэрбит, эһигини “Азия оҕолоро” оонньуулар түмүктэммиттэринэн, сүүмэрдэммит хамаандаларбыт оонньууларга чаҕылхайдык кыттыбыттарынан истиҥник эҕэрдэлиибин. Бу уон биир күн устата Дьокуускайга успуорт, дьиҥнээх доҕордоһуу, кырдьыктаах успуорт күрэҕин бырааһынньыга буолла. Оонньуулар олус үрдүк таһымнаахтык аастылар”, – диэн Айсен Николаев эҕэрдэлээтэ, өрөспүүбүлүкэ кинилэринэн киэн туттарын эттэ.

Ил Дархан спортсменнары иитэр-үөрэтэр, такайар тириэньэрдэргэ истиҥник махтанна.

Санатан эттэххэ, “Азия оҕолоро” Оонньууга 24 дойдуттан уонна Арассыыйа федеральнай уокуруктарыттан барыта 1934 спортсмен кыттыбыта. Саха сирин сүүмэрдэммит хамаандатын кыттыылаахтара барыта 100-тэн тахса араас мэтээли ылбыттара.

Андрей Сорокин хаартыскаҕа түһэриитэ.

  • 2
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Уопсастыба

Дьааҥыга - ойуур баһаара

Дьааҥы улууһугар от ыйын 24 күнүнээҕи туругунан 2 ойуур баһаара бэлиэтэммит. Ол курдук,…
24.07.24 19:59