Бөҕөстөрбүт билигин бу турнирга бэлэмнэнэн, тиритэ-хорута эрчиллэ, бэлэмнэнэ сылдьаллар. Билэргит курдук, Иван Ярыгин аатынан турнир урут-уруккуттан сүүмэрдээһиннээх. Россия спортивнай тустууга федерациятын быһаарыытынан Красноярскайдааҕы түһүлгэҕэ, үгэс курдук, иннинээҕи сыл сүрүн күрэхтэһиилэригэр үчүгэй көрдөрүүнү ситиспит бөҕөстөр талыллан ыҥырыллаллар.
Мин ааҕыыбынан, былырыыҥҥы итинник ирдэбилгэ сөп түбэһэн, быйыл биһигиттэн: Лев Павлов, Алексей Копылов (57 кг), Андрей Мидловец, Артём Слепцов, Виктор Яковлев, Яков Павлов, Александр Авелов (61 кг), Айсен Потапов (70 кг), Владимир Бояновскай, Албан Аввакумов (74 кг), Никита Хабаров (125 кг) кыттар бырааптаахтар.
Билэргит курдук, сүүмэрдээһини таһынан Ярыгин кубогар биирдиилээн бөҕөстөр харчы төлөөн киирэллэрэ эмиэ көҥүллэнэр. Онон син биир, билиҥҥи кэмҥэ тыыппалаахтар диэбит бөҕөстөрбүт бары кэриэтэ кыттыахтарын сөп: ким сүүмэрдээһин ирдэбилинэн, ким харчы төлөөн.
Бүтэһиктээх састаабы Саха сирин сүүмэрдэммит хамаандатын тренердэрэ бу күннэргэ быһаарыахтара.
2024 сыл түмүгүнэн Ярыгин кубогар ирдэбил быһыытынан кыттар бырааптаахтар:
Иван Ярыгин Гран-при турнира (3 иһинэн):
70 кг 3 – Айсен Потапов
125 кг 3 – Никита Хабаров.
Россия чемпионата (5 иһинэн):
57 кг 2 – Лев Павлов
61 кг 3 – Виктор Яковлев
61 кг 5 – Яков Павлов.
21-гэр диэри саастаахтарга РФ финалистара:
57 кг 1 – Лев Павлов
61 кг 1 – Андрей Мидловец
61 кг 2 – Артём Слепцов.
24-гэр диэри саастаахтарга РФ (3 иһинэн):
74 кг 2 – Владимир Бояновскай.
Д.Г. Миндиашвили турнирын кыайыылаахтара:
57 кг 1 – Лев Павлов
74 кг 1 – Албан Аввакумов.
Байкал Опен турнир кыайыылаахтара:
57 кг 1 – Алексей Копылов.
Д.П. Коркин турнирын кыайыылаахтара:
57 кг 1 – Лев Павлов
61 кг 1 – Александр Авелов.
Хаартыска: «Дьулурҕан».
- 0
- 0
- 0
- 0
- 0
- 0