Бу тэрээһиҥҥэ СӨ физическэй култуураҕа уонна спорка миниистирэ Семен Чердонов, СӨ хамсаабат баайга-дуолга уонна сир сыһыаннаһыыларыгар миниистирин солбуйааччы Владимир Степанов, Национальнай гвардия федеральнай сулууспатын управлениетын начаалынньыгын солбуйааччы Владимир Соловьев, чопчу табан ытыы федерациятын эрэгийиэннээҕи салаатын бэрэссэдээтэлэ Николай Алексеев, бэрэстэбиитэллэрэ Александр Данилов, Дмитрий Васильев, уопсастыбанньык Алексей Петров кыттыыны ыллылар.
--Бу күҥҥэ чопчу табан ытыы спорт көрүҥүн быһыытынан регистрациялана илик эрээри, Арассыыйаҕа федерацията баар. Сахалар биһиги кыраҕы харахтаахпытынан Аҕа дойду Улуу сэриитигэр биллибиппит. Онон аатырбыт снайпердар сыдьааннара буоларбыт быһыытынан, чопчу табан ытыыны спорт көрүҥүн быһыытынан регистрациялыыры, федеральнай реестргэ киллэрэри көҕүлүүрбүт оруннаах, -- диэтэ Петр Гоголев.
Николай Алексеев этэринэн, кэлиҥҥи кэмҥэ элбэх киһи маннык ытыынан дьарыктанар буолбут. “Снайпиҥҥа турнирдар Арассыыйа үрдүнэн буолуталыыллар. Саха сиригэр сайдыаҕын, ытарга дьарыктанар анал сирбит суоҕа адаҕалыыр. Ол иһин сир ылыахпытын баҕарабыт”, -- диэн баҕа санаатын эттэ.
Спорт миниистирэ Семен Чердонов бу көрүҥү өйүүрүн уонна күрэхтэһиилэри ыыталларыгар күүс-көмө буоларга бэлэмин биллэрдэ.
Петр Гоголев бу боппуруоска үлэлэһэргэ Ил Түмэн ыччакка, физическэй култуураҕа уонна спорка сис кэмитиэтин сорудахтаата.
- 0
- 0
- 0
- 0
- 0
- 0