Саха сириттэн төрүттээх Ян Константинов Москваҕа оҕунан ытыы күрэхтэһиитигэр кыттан, кыраҕы харахтааҕын, сатабыллааҕын итэҕэтэн кыайыыны ситистэ. Ол курдук, юниордар диэҥҥэ классическай ытыыга (18 м ыраахха) кыһыл көмүс мэтээли түөһүгэр иилиннэ. Итинэн сөп буолбакка, өссө оҕунан ытыы чөмпүйэнээтигэр боруонса мэтээли ылары ситистэ. Ян -- Арассыыйатааҕы физическэй култуураҕа, успуорка уонна туризмҥа судаарыстыбанна университетын устудьуона. Дьокуускайдааҕы 4 №-дээх спортивнай оскуоланы үөрэнэн бүтэрбитэ. Санатар буоллахха, кини 2019 сыллаахха Орел куоракка ыытыллыбыт түһүлгэҕэ кыттан, Арассыыйа успуордун маастарын нуорматын толорору бэрт улгумнук ситиспитэ. Эдэр спортсмеҥҥа ситиһиилэри баҕарыаҕыҥ!
-
0
-
0
-
0
-
0
-
0
-
0
