Волейболга 5 хамаанда кытынна: ыччаттар, устудьуоннар, оскуола үлэһиттэрэ, олохтоох ОДьКХ уонна ыалдьыттар.
Күөн көрсүһүү түмүгүнэн ыччаттар бастаатылар, оскуола иккистээтэ, устудьуоннар үһүстээтилэр. Дартска I м. -- Шепелев Василий, II м. -- Барабанов Михаил, III м. -- Дьяконов Игорь. Саанан ытыыга Ноговицын Сергей – I м., Дьяконов Игорь -- II м., Харитонов Алексей – III м.
Ыалдьыттарбыт "Эр бэртэрэ" хамаандаларын чилиэттэрэ бары Балыктаахтан төрүттээхтэр, өрөспүүбүлүкэ араас муннуктарыгар олорор биир дойдулаахтарбыт. Түөрт сыллааҕыта бассаапка бөлөх тэринэн, дойдуларын сонунун онтон истэ-билэ олороллор эбит. Кинилэр: “Урут Балыктаахха волейболу сэҥээрэллэр этэ, онон ону сайыннарарга диэн, эһиилгиттэн спорду бастыҥ көҕүлээччи Гаврил Васильевич Прибылых аатынан күрэҕи тэрийэргэ уонна салгыы тэнитэргэ”, -- диэн этии киллэрбиттэрин мустубут дьон сэҥээрэ иһиттэ, өйүүллэрин биллэрдилэр.
Волейбол күрэҕин түмүгүнэн "Эдэр кэскиллээх оонньооччу" бирииһи --"Байанай" маҕаһыынтан сэртипикээти – Иван Гурьев, Прибылыхтар дьиэ-кэргэн бирииһин Андросов Дмитрий ыллылар.
Мария Захарова,
Балыктаах, Мэҥэ Хаҥалас
- 0
- 0
- 0
- 0
- 0
- 0