Итиэннэ дьоҕус тыраахтырга үөрэтэн, тыа хаһаайыстыбатыгар үлэлииргэ тиэхиньикэни сатыыр дьон тахсыахтара. Чугастааҕы Маалыкай нэһилиэгиттэн кытары уопсайа 13 курсант үөрэнэ сылдьар. Онон оҕо оскуоланы бүтэрдэ даҕаны, тыа сиригэр үлэ булан, үлэлии хаалыан сөп.
Үөрэнээччилэр 9 кылааһы бүтэрээт киин сиргэ бара сатыыллар, ону дойдуларыгар олохсутарга, хаалларарга, идэ биэрэллэр, үлэ миэстэтин тэрийэллэр. «Бэйэбит оҕолорбут дойдуларыгар хаалан, туһа дьон буоллалларын ситиһэ сатыыбыт. Былырыын нэһилиэкпит дьоно 3 хороҕор муостааҕы биэрбиттэрэ, быйыл 4 ыанар ынаҕы аҕаллылар. Онон инникитин үүтү туттаран, эбии харчы киллэринэр санаалаахпыт.
Тыа хаһаайыстыбатын кэпэрэтиибин тэриммиппит, сир ыллыбыт, онно 60х100 м. иэннээх 50 миэстэлээх хотон туттарга муниципальнай гырааҥҥа кыттар былааннаахпыт. Билигин ынахтарбыт кэллиэгэбит хотонугар тураллар. Эдэр ыччаты Хатыыга олохсутарга нэһилиэккэ саамай улахан, сүрүн тэрилтэ — оскуола. 2018-2019 сс. 54 оҕолоох этибит, сылтан сыл үөрэнээччибит ахсаана элбээн иһэр, билигин 60-74 оҕо буолла”, — диэн этэр оскуола дириэктэрэ Владимир Гаврильевич Тимофеев.
ТХПК тэринэн, Тыа хаһаайыстыбатын министиэристибэ ыытар гырааныгар кыттан, инникитин сылгы баазатын туттуохтарын, нэһилиэккэ килиэп буһарар бэкээринэ, арыы собуотун арыйыахтарын баҕараллар, кыргыттары кондитер идэтигэр үөрэтэн, бурдук аһы дэлэччи астыахтара. 5 мөл. солк. гырааҥҥа киирсэргэ кыттыгас үбүлээһин наада эбит, онон арыы собуота быраҕыллан турар, ону сөргүтэр санаалаахтар.
Хаартыскалары Хатыы агро-оскуолата хааччыйда.
-
0
-
0
-
0
-
0
-
0
-
0
