Ити иһигэр Автодорожнай уокурукка 70 ыт тутуллубут. Бу ыттары кыыллары быстах кэмҥэ тутар пууҥҥа илдьибиттэр. Санатан эттэххэ, киин куорат дьаһалтатын баһылыга Евгений Григорьев быһаарыныытынан, балаһыанньа холкутуйуор диэри диэн, тохсунньу 6 күнүгэр суһал быһыы-майгы эрэсиимэ уһатыллыбыта. Бэйдиэ сылдьар ыттары тутууга куорат дьаһалтатын, ИДьМ муниципальнай управлениетын, Бэтэрэнээрийэ департаменын уонна кыыллары быстах кэмҥэ тутар пуун үлэһиттэрэ үлэлииллэр. Ахсынньы 29 күнүттэн ыттары куорат уулуссаларыгар босхо ыытыы бобуллан турар. Бүгүҥҥү күҥҥэ куоракка ыттары тутууга 32 киһи, 11 тиэхиньикэ үлэлиир диэн киин куорат пресс-сулууспата иһитиннэрдэ.
-
1
-
0
-
0
-
0
-
0
-
0
