Онлайн-ыһыахха хайдах оһуохайдыыбыт? Саха эстрадатын тыйаатыра «Түмэр оһуохай» диэн анал бырайыак бэлэмнээтэ. Бэс ыйын 21 күнүгэр күнүс 13 чаастан бу оһуохай зуум кэнпэриэнсийэтин көмөтүнэн Саха сирин үрдүнэн ыытыллыаҕа. Өрөспүүбүлүкэ бары улуустарын биллэр-көстөр, ааттаах-суоллаах этээччилэрэ кыттыахтара. Саха тыйаатырын уус-уран салайааччыта Мария Герасимова: “Оһуохайы бастакынан Дархан этээччи Дмитрий Иванов таһаарыаҕа. Салгыы Альбина Дегтярева –Айархаана уонна улуустар биллэр-көстөр оһуохайдьыттара этиэхтэрэ. Былаан быһыытынан биэс-алта киһи онлайн-оһуохайы иилээн-саҕалаан таһаарыаҕа. Оһуохай быһа эпиир быһыытынан ютубунан уонна инстаграмынан тарҕаныаҕа, онон өрөспүүбүлүкэ олохтоохторо Дархан этээччилэри дуоһуйа истиэхтэрэ, үтүктүөхтэрэ», -- диэн быһааран биэрдэ.
-
0
-
0
-
0
-
0
-
0
-
0
