Сэтинньи ыйбыт түмүктүүр күннэригэр тыал сэниэлээхтик сиксийэр, тибиирэн тибийэр, сиккиэрэн сиппийэр, куму-ньими туттан дьиэс-куос туттар, дьэбин уостар, ытырбахтыыр дьыбарданар, уордайан уораннаах салгыннанар. Чиҥээбит хаар чигди буолар, халыҥаабыт хаар хаттык буолар, сир ийэни хайа тоҥортон харыстыыр. Идэһэлээх ыал тирэ тэбинэн туран хаһаас ас сорҕотун сайыҥҥыга диэн арааран, салгыҥҥа оҕустарбаттыы хаттык муустаата, сүөһү иһэ ырытылынна, үрүҥэ-харата диэн араарылынна.
Сэтинньи ыйбыт түмүктүүр күннэригэр тыал сэниэлээхтик сиксийэр, тибиирэн тибийэр, сиккиэрэн сиппийэр, куму-ньими туттан дьиэс-куос туттар, дьэбин уостар, ытырбахтыыр дьыбарданар, уордайан уораннаах салгыннанар. Чиҥээбит хаар чигди буолар, халыҥаабыт хаар хаттык буолар, сир ийэни хайа тоҥортон харыстыыр. Идэһэлээх ыал тирэ тэбинэн туран хаһаас ас сорҕотун сайыҥҥыга диэн арааран, салгыҥҥа оҕустарбаттыы хаттык муустаата, сүөһү иһэ ырытылынна, үрүҥэ-харата диэн араарылынна.
Бытархан тымныыга сэниэ киллэрэр хоргуннаах миин буһуо. Күөх боллох бэрсибит собо балыга уҥуохха-иҥиэххэ, сүһүөххэ туһалыа, сандалы мааны аһа буолан сандаарыйда, кэһии буолан ол диэки утаарылынна, ити диэки илдьилиннэ, бу диэки айаннаата.
Таҥас - сап таһырдьа таһаарыллан, хаарга сөтүөлээн, тэбэнэн сибиэһэй салгын сыттанан дьиэ иһин сэргэхситиэ.
Саҥа күн барахсан дьикти кэм буоллаҕа - тоҕотун билбэккэ тула өттүҥ кэрэтийэр, төрүөтүн билбэккэ мичээринэн сэбэрэ сэргэхсийэр, бэл диэтэр сабардаабыт былыт санааны саппаҕырдыбат, бүрүйбүт былыт мунчаардыбат...
Хаартыска: https://nesiditsa.ru/city/yakutsk
0
0
0
0
0
0
