Суруллубатах сокуонунан, ыйыллыбатах ыйааҕынан, бэриллибэтэх бирикээһинэн тохтоло суох суккуллар күн -дьыл чээлэй күөҕү бороҥурта, аалай кыһылы хараҥарта. Бэрт сотору салгынныын дьэҥкир, ыраас,чэпчэки көмүс күһүн күлүмүрдүө, аҕыс ыйга аҕырыйбакка аҕылатар тыйыс тыыныгар, сэттэ ый сэллээбэккэ сэниэ-сылба баранар тургутуулаах томороон тымныытын иннигэр сүргэни көтөҕүө.
Ол эрэн саха киһитэ барахсан сах саҕаттан, былыр былыргыттан кыл да саҕаттан кытаахтаһан, түөн да саҕаттан тирэхтэнэн син биир инникигэ эрэллээх, хайа да күнтэн хайаан даҕаны хайҕаллааҕы, харах хатанарын булар, таба тайанар идэлээх. Дьиҥ саха дьоһун, дьиппиэн, уолуйбат, куттаммыттаах даҕаны буоллаҕына уостубат, саллыбыттаах даҕаны буоллаҕына умуллубат.
Саал былыты саба быраҕан, итир былыты иттэннэри сытыаран санааны сааһылыыр күн саҕаланнаҕа буоллун, тохтуу түһэн уоскулаҥ тыыныгар киириэҕиҥ. Туттунуулаах-хаптыныылаах тура-олоро охсон хара тыа уйгутун сомсон ыаҕайата ыадалыччы, биэдэрэтэ бидиличчи буоллун. Тэлгэһэҕэ түбүгүрбүт, оҕуруокка умсугуйбут үүнүүтэ өлгөм буоллун.
Хаартыска: https://www.mkchita.ru/social/2023/10/13/chto-takoe-osen-rosselkhozbank-oprosil-rossiyan-i-uznal-otvet.html
- 0
- 0
- 0
- 0
- 0
- 0