Киҥкиниир киэҥ куйаар киэлитигэр уһун айаҥҥа турунуохтарын иннинэ көтөрдөр көрүлүү, көччүйэ сылдьыбыт күөх дуолларыныын быраһаайдаҺа эргийэ көттүлэр, итиннэ мустан мунньахтаатылар, манна түмсэн сүбэлэстилэр, тумус туттар аҕа баһылыктарын иннигэр угуннулар, мөлтөх акы соҕуһу ортотугар буол диэтилэр, хаалбыты, хойутаабыты, сыылбатыйбыты хомуйа тута кэлин өттүгэр хаалбыт ийэ хотун мэниги- тэниги дьарыйда, сааһылаан, наардаан айан суолугар турунна.
Аар тайҕа аҕыс ыйдаах хамсаабат чуҥкунуур чуумпуга сууланыан иннигэр кыстыыр кыылларын кыһыҥҥыга бэлэмнээн сыанан-арыынан аҕаата, уотта, торолутта, түүлэрин өҥнөрүн көпсүттэ, халыҥатта, сылдьар орохторун олохсутта, сөптөөх диэбит сиригэр сэбирдэҕинэн сабан, көмнөҕүнэн көмөн хаҺаас амтаннаах аһы хаалларда.
Мындыр өйдөөх өбүгэлэрбит айылҕалыын алтыһартан абыраллааҕын буланнар ас- таҥас оҥостон бултуур-алтыыр да буоллахтарына имири сотон ылбакка төрүүргэ-ууҺуурга, тэнийэргэ, элбииргэ диэн хаалларыналлара, ампаара суох хаһаас хааһына оҥостоллоро. Сааланным да хамсыыры эрэ барытын самнарабын, охтоннум даҕаны олоччу барытын охторобун диэччи суоҕа, суобас суута сокуон буолара.
Күһүҥҥү курус сарсыарданан сэгэрдээр! Күннээҕиттэн көдьүүстээҕи, бүгүҥҥүттэн туһалааҕы булуоҕуҥ.
Хаартыска: СИА
-
0
-
0
-
0
-
0
-
0
-
0
