Итинник ини дии- дии илибирэппэккэ, оннук буолуо дии- дии омуннурбакка, сэрэйэн көрө- көрө сэлибирэппэккэ баары баарынан ылынан, баартан барыллаан, дьиҥ чахчы туппуттан торумнаан уруккуну эрэ барытын улугуруу диэбэккэ, ааспыты эрэ барытын хаалыы диэбэккэ саҥа буолла сандаархай, сонун буолла да соргулаах буолбатын өйдөөн туран сатабыллаахтык алтыһыннаран, тупсаҕайдык тутуһуннаран сайдыы суола арылыннын, үүнүү суола аҺылыннын. Ил- эйэ ичигэҺэ, өйдөһүү- өйөһүү үтүө өрүтэ өрөйөргө-чөрөйөргө төрүөт буоллун, тобуллубут толкуй, сатаммыт санаа, ыллыктаах ыра ыраахха тириэртин. Сэргэстэһэр сэгэрдэрбит сэргэх, кэккэлэһэр дьоммут кэрэ, тутуһар дьоммут туруктаах, аргыстаһар арылхай, алтыһар дьоммут аламаҕай, ылсар- бэрсэр дьоммут ылбаҕай, сүбэлэһэр- амалаҺар дьоммут мындыр, бииргэ буолар дьоммут биҺирэмнээх буоллуннар. Билгэлиир буоллахха, бигээн көрөн оргууй- оргууй оруннааҕын булуохха, наллаан - наардаан наадалааҕын ылыахха.
Хаартыска: https://nesiditsa.ru/city/yakutsk
-
0
-
0
-
0
-
0
-
0
-
0
