Билгэ ыйа бигээн көрөн билгэлиир, оргууй наллаан ааҺан эрэри анаарар, баранан эрэри ырытар, кэлиэхтээҕи, үүнүөхтээҕи сабаҕалыыр. Тайҕабыт барахсан таайтарыылаах талба күннэргэ, улук уһун түүннэргэ иҺийэр, иһиллиир, чуумпурар санааны сааһылыырга, инникини түстүүргэ,бэйэни иҺиллэнэргэ, боччумурарга тоҕоостоох кэми олохтуур.
Айылҕаттан айдарыллан анаарар аналбыт, ырытар дьоҕурбут бу күннэргэ күүһүрэр. Төрүт дьоммут барахсаттар саҕаттан тулуур- дьулуур бэриллэн бэркиһиир да буоллахха бэрии бэрдэрбэккэ, сөҕөр да буоллахха сөҥөн хаалбакка куруутун инникигэ эрэллээх, түөрэҥнээбэт тирэхтээх буоллахпыт. Көҥүлгэ тардыһыыбыт, үрдүккэ талаҺыыбыт куйаар киэҥ дуолугар иҥэн - сүтэн хаалбакка хаҥыл санаа буолан турукпутун чиҥэттин, хорсун санаабыт хотоойу турукпутун тупсардын.
Сирдээҕи олох сиэрин ситэрэн ситимнэһэн ситии быатыныы быстыбаттыы быртах санааҕа бытарыйбакка, отох санааҕа оторуйбакка, үҺү диэҥҥэ үтүрүллүбэккэ, буолуо диэнтэн буомурбакка, сэрэйэн көрө- көрө сэтэрээбэккэ сахалыы дьоһуннук толкуйданыаҕыҥ, ыраахха тиэрдэр ыра санааланыаҕыҥ.
Хаартыска: https://pibig.info/98342-zima-v-jakutii.html
-
0
-
0
-
0
-
0
-
0
-
0
