Сарсыардаттан сырылаччы сылааһынан сыллаата, түннүк нөҥүө өҥөҥнөөтө, өрүкүйэ тыынна, куйаарга куйаас сатыылаата, итиинэн илгийдэ, омуннура оргуйда. Отчут-масчыт кураан күннэргэ өрүскэлэһэ хамсанна, хонууга хотуулаахтык хаамта, сыһыыга сыыдамнык хамсанна, ити диэки нэлэс гыннарда, бу диэки субуулаан субуйда, лэкээлэри кэккэлэттэ, бугуллары булгунньахтатта, кэбиһэр кэмҥэ элбээтилэр, сүбэ мунньахха түс- бас киһи түстээччинэн ананна, кыырата быраҕар кыахтаахтар кыдамаһыттар буоллулар, бугул түгэхтээччи да хаалсыбакка салаа да оту хаалларбат туһугар хамсанарын туһунан туһуламмыт этиилэри иһиттэ,кыһаллан-мүһэллэн сирилийэ- бурулуйа хамсанна, тиритэ-хорута дайбанна.
Сарсыардаттан сырылаччы сылааһынан сыллаата, түннүк нөҥүө өҥөҥнөөтө, өрүкүйэ тыынна, куйаарга куйаас сатыылаата, итиинэн илгийдэ, омуннура оргуйда. Отчут-масчыт кураан күннэргэ өрүскэлэһэ хамсанна, хонууга хотуулаахтык хаамта, сыһыыга сыыдамнык хамсанна, ити диэки нэлэс гыннарда, бу диэки субуулаан субуйда, лэкээлэри кэккэлэттэ, бугуллары булгунньахтатта, кэбиһэр кэмҥэ элбээтилэр, сүбэ мунньахха түс- бас киһи түстээччинэн ананна, кыырата быраҕар кыахтаахтар кыдамаһыттар буоллулар, бугул түгэхтээччи да хаалсыбакка салаа да оту хаалларбат туһугар хамсанарын туһунан туһуламмыт этиилэри иһиттэ,кыһаллан-мүһэллэн сирилийэ- бурулуйа хамсанна, тиритэ-хорута дайбанна.
Оҕо аймах күйгүөрэ түстэ, күрүлэс куйаастан сөтүөлээн быыһанна. Аар тайҕа барахсан уурунуҥ, хаһааныҥ диэн хонноҕун анныттан хостоон уйгутуттан утары ууммутун, быйаҥыттан бычалыччы бэрсибитин оруо маһы ортотунан буолбакка, өрүскэлэспэккэ сөп буоларынан хомуйуоҕуҥ, эһиил эмиэ үүнэрин туһугар силиһин-мутугун хаалларыаҕыҥ. Буор куппут бөҕөргөөтүн, сиртэн тирэхпит чиҥээтин, сибэккинэн симэммит, чэчигинэн чэмэлийбит, кустук өҥүнэн күлүмүрдүү суһумнаабыт күөххэ күөлэһийэн, солко сэбирдэххэ сууланан сайын үтүөтүн, үгүөрү үөрүүтүн үллэстиэҕиҥ.
Николай Тихонов хаартыската.
0
0
0
0
0
0
