Кыбыыларга, далларга кэбиһиилээх от кэккэлээтэ, урулуоннаммыт от уурулунна. Хонууга хотоҕостуу субуллубут хороҕор муостаах, сыһыыга сыбыытаабыт сыспай сиэллээх молооруччу уойда, самыылара ласпайда, холлоро эттэннэ. Күнү- дылы баттаһа тутуу үлэтэ хотуулаахтык барда, сарсыардаттан хараҥарыар диэри эрбии, сүгэ тыаһа тохтоло суох иһилиннэ, сотору-сотору итинэн саҥа дьиэ дьэндэйдэ, манан саҥа тутуу сандаарда.
Оҕо аймах итиини баттаһа, сылааһы сырса сөтүөлээтэ. Уоппускалаах, сынньалаҥнаах сылайыахха диэри сынньанна, сэниэ- күүс эбиннэ, дьиэтин-уотун сэргэхситтэ, тэлгэһэтин сааһылаата, олбуорун оннун- олоҕун булларда. Саас күннэргэ түбүгүрбүттэр сылы туоруур астара ситтэ- хотто, кытара буста, улаатта, бөдөҥөөтө, амсайыкка диэн быһылынна, боруобаҕа диэн хостонно.Сыыйа- баайа кэнсиэрбэлэр кэккэлээтилэр, оргууй наллаан оргутуллан, буһарыллан, тумаланан тупсарыллан уурунууга бардылар. Чэйиҥ эрэ чэкийдэр чэмэлис- имэлис буолуохха, туран- олорон иһиэххэ, үүммүт күнтэн үөрүөххэ, кэлбит кэми кэрэхсиэххэ,күннээҕи биир күдьүстэн көдьүүстээҕи булуохха.
Николай Тихонов хаартыскаҕа түһэриитэ.
-
0
-
0
-
0
-
0
-
0
-
0
