Былырыын учуобунньук таһаарыытыгар болҕомто уурбут буоллахпытына, быйыл сахалыы эйгэни кэҥэтиигэ үлэ ыытыахпыт.
Ил Түмэҥҥэ киирэр сокуон бырайыактара икки судаарыстыба тылынан киирэллэрин ситиһиэхпит.
Саха тылын быһаарыылаах тылдьыта аан дойду дьонугар-сэргэтигэр сахалар бэлэхпит буолар. Маны куйаар ситимигэр таһаарыахпыт.
"Тэтим" араадьыйа сыһыарыыта Арассыыйаҕа 10 бастыҥ туһаныллар араадьыйа сыһыарыыларыгар киирдэ.
Саха тылын чинчийэр билим (наука) уонна үөрэхтээһин биир кэлим киинэ тэриллиэҕэ.
Оҕолорун сахалыы үөрэттэрэр баҕалаах төрөппүт Дьокуускайга элбээн иһэр. Маны өйдөөн, куорат баһылыга буолан олорор кэммэр саха тылын үөрэтэр оҕо ахсаанын балтараа төгүл элбэппиппин дьон өйөөбүтэ.
Дьокуускайга сахалыы үөрэтэр оскуолалары элбэтиэхпит. "Саталга" национальнай статустаах оскуола аһыллыаҕа, 68-с кыбаарталга аһыллар өрөспүүбүлүкэ саамай элбэх миэстэлээх оскуолатыгар хайаан да саха кылаастара аһыллыахтара.
Саха тылын уонна литэрэтиирэтин чаастарын ахсаанын саҥа федеральнай киэп (стандарт) ирдэбиллэригэр дьүөрэлээн элбиирин ситиһиэхпит.
Хотугу омуктар тылларын Дьокуускайга билигин икки оскуолаҕа үөрэтэллэр, ол эрээри бу үөрэтиини уһуйаантан саҕалыыр ордук.
-
0
-
0
-
0
-
0
-
0
-
0
