«Бу амарах, үтүө санаа акцията буолар. Эдэр Чурапчы олохтоохторо өбүгэлэрин үгэстэрин умнубаттарын, ытыктыылларын таһынан, кинилэр үтүө дьыаланы эмиэ оҥороллор. Бүгүн Чурапчы улууһугар меценаттар бааллара уонна үтүө дьыаланы оҥоруу олохпут нуормата буолан эрэрэ үөрүүлээх», - диэн бэлиэтээтэ улуус баһылыга Андрей Ноговицын итиэннэ ити көҕүлээһини өйүүргэ ыҥырда.
Кини Чурапчы улууһугар кырдьаҕастары ураты ытыктаан, Ньукуолун күнүн киэҥник бэлиэтииллэрин кэпсээтэ. Сыллата улуус үгүс нэһилиэктэригэр бултаммыт куһунан күндүлээһин олоххо киирдэ. Оттон Хадаар, Мугудай сэлиэнньэлэригэр олохтоохторго улахан остуолу тардан, сибиэһэй кус миининэн, алаадьынан, араас төрүт астарынан күндүлүүллэрэ үтүө үгэскэ кубулуйда.
Өбүгэлэрбит былыр ыам ыйын 22 күнүгэр саастарыгар өссө биир сылы эбэллэрэ. Олохторугар саҥа сыл саҕаламмытынан ааҕаллара. Ити күн дьиэни-уоту, олбуору хомуйаллара. Алаадьы уонна кус миинин буһараллара.
-
0
-
0
-
0
-
0
-
0
-
0
