Эксперт тылыгар сигэннэххэ, эпидемия кэнниттэн дойдуга үлэ миэстэтэ сарбылыннаҕына, итинник дьаһалы оҥорорго күһэллиэхтэрэ. Маннык усулуобуйаларга үлэ миэстэтин ыччакка босхолуур наадата тириэҕэ. Судаарыстыбаннай босуобуйаны ылар мэктиэлээх пенсияҕа тахсыан иннинээҕи дьонтон уратыта диэн, ыччат босуобуйаҕа да суоттанар кыаҕа суох.
«Үлэтэ суох буолуу үрдүүр усулуобуйаларыгар ордук эдэрдэри үлэҕэ олохтуур кыаҕы биэриэххэ. Мин санаабар, үлэтэ суох киһи ахсааныттан тутулуктанан болдьоҕун иннинэ пенсияҕа тахсарга 1,5-2 мөлүйүөн киһи суоттаныан сөп», — диэн билгэлээтэ Мирзабалаева.
Кини пенсияҕа тахсар сааһы намтатыы араас дьоҥҥо уратылаах уонна саталлаах буолуохтааҕын, ол эрээри ханнык да түгэҥҥэ көннөрүү сабаҕаланарын бэлиэтээтэ. Маныаха итиСойиа быйыл күүтүллүбэтин чопчулаата.
Ыам ыйыгар иһитиннэрбиттэринэн, Россия бырабыыталыстыбата пенсияҕа болдьоҕун иннинэ тахсыыга усулуобуйалары сымнатар кыаҕы дьүүллэспитэ. Онно бэлиэтэммитинэн, пенсияҕа тахсаллара үс сыл хаалбыт дьон быйыл сыл бүтүөр диэри бочуоттаах сынньалаҥҥа суоттаныахтарын сөп. Уопсай ыстаас итиннэ хайдах да сабыдыаллыа суохтаах.
-
0
-
0
-
0
-
0
-
0
-
0
