Ол эрээри, сатаатахха, хаптаҕастан барыанньаны да, мармелады да астыахха сөп.
Аҕыйах да саахарынан
Ылабыт: 3 киилэ хаптаҕаһы, 2 киилэ саахары, 1 киилэ апельсины, 1 хах ванелины.
Апельсины үчүгэйдик сууйан баран, хахтыын баҕастыын эт эрийэринэн эрийтэрэбит. Онно хаптаҕаһы, саахары эбэн уокка оргута уурабыт. Оргуйбутун кэннэ ванилины кутабыт. Апельсин аһыы амтаны биэриэх курдук эрээри, соһуйуохпут иһин, хаптаҕас барыанньатын -- минньитэр.
Битэмииннээх мармелад
Бастатан туран, хаптаҕаска саахар кутан оргутабыт. Хойдубутун кэннэ луосканан илдьиритэ-илдьиритэ сиидэлиибит. Саахары эбэн баран эмиэ оргута уурабыт. Оргуйаатын кытта кыра луоска лимон кислотатын кутан буккуйабыт. Сойута уурабыт. Кыра эмээл миискэни арыынан сотобут. Онно хаптаҕаспытын кутабыт. Халадьыыныкка уган тоҥоробут. Сойбутун кэннэ быһаҕынан быһыталаан баран саахар пуударатыгар буккуйабыт. Хаптаҕас мармелада бэлэм.
- 1
- 0
- 0
- 0
- 0
- 0