Үөһээ Бүлүү уонна Уус Алдан улуустарыгар 15-тии нэһилиэк, Дьааҥы уонна Ньурба улуустарыгар 12-лии нэһилиэк, Бүлүү улууһугар 11 нэһилиэк, Өлүөхүмэ улууһугар 10 нэһилиэк, Сунтаар улууһугар 9 нэһилиэк баһылыктара быыбарданна.
Барыллаан ааҕыы түмүгүнэн, сорох нэһилиэктэргэ үлэлии сылдьар баһылыктар хоттулар, сорохторго саҥа дьоннор кыайдылар.
Холобур, Бүлүү улууһун Баппаҕаайы нэһилиэгэр икки хандьыдаат туруоруллубутуттан, утарсааччытын таһыччы баһыйан, Егор Афанасьевич Николаев иккис болдьоҕор талылынна. Бу кини үлэтин нэһилиэнньэ биһириирин, салгыы үлэлииригэр кыах биэрэрин көрдөрөр.
Оттон Чурапчы улууһун Алаҕар нэһилиэгэр утарсааччытын 233 куолаһынан баһыйан, Иван Иванович Оконешников баһылык солотун тутта. Кини улуустааҕы спорт кэмитиэтин салайбыта, ол иннигэр уонтан тахса сыл устатыгар Чурапчы сэл. баһылыгынан таһаарыылаахтык үлэлээбитэ.
-
2
-
0
-
0
-
0
-
0
-
0
