Издательский дом Редакция Подписка
Погода в Якутске: . -12 oC

Биһиги, сопхуос саҕана орто сүһүөх салалтаҕа үлэлээбит дьон, «дьон-норуот туһа» диэн өйдөбүлү дириҥник иҥэринэн үлэлээбиппит-хамсаабыппыт уонна күн бүгүнүгэр диэри илдьэ сылдьабыт.

Биһиги, сопхуос саҕана орто сүһүөх салалтаҕа үлэлээбит дьон, «дьон-норуот туһа» диэн өйдөбүлү дириҥник иҥэринэн үлэлээбиппит-хамсаабыппыт уонна күн бүгүнүгэр диэри илдьэ сылдьабыт.

Кырдьык дойдуга баар балаһыанньаны салалта аллараа атаҕар үлэлии сылдьар салайааччылар буоларбытынан, толору өйдүүбүт. Төһө даҕаны уустугун иннигэр, олох олоруохха эмиэ наада. Тыа сирэ Американы да арыйыыта суох, биэнсийэ, оҕо босуобуйатын суоттарыгар уонна нэһилиэккэ баар тэрилтэлэргэ (оскуолаҕа, детсаадка, хомунаалынай хаһаайыстыбаҕа, балыыһаҕа, дьаһалтаҕа, кулуупка) үлэлээн, хамнастанан тутулуктаһан олоробут. Оннук да үлэ баҕарбыкка барытыгар тиксибэт.
Онон төһө да оттук-уматык сыаната улаатан испитин инигэр, сүөһүбүтүн-сылгыбытын ииттэхпитинэ эрэ, социальнай турукпутун мөлтөппөт кыахтаахпыт. Үүт сыаната үрдүүрүн, ыанар ынахха көрүллэр харчы улаатарын туруорсарбыт наада, ол эрээри, тыа дьоно бэйэбититтэн кыаллары эмиэ оҥоро сатыахпытын наада.
Холобур, Тамалакаан олохтооҕо Николай Афанасьевич Дмитриев балыктаан, суораттаан, атыылаан дохуот киллэринэр. Ороһулар мунду үөлэн, С.С.Сортолова маҕаһыыныгар киллэрэн атыылыыллар. Сыл ахсын идэһэни туттубут кэнниттэн убаһа, ынах тириитэ бөҕө күрүөҕэ ыйанан баран, таах быраҕыллан хаалаллар. Тоҕо имитэн, таҥас тикпэппитий, массыына сабыыта оҥорбоппутуй? Былыргы эмээхситтэр, оҕонньоттор  мас талкынан имитэн, түнэ, сарыы этэрбэс тигэллэрэ дии. Сылгыбыт, ынахпыт туйаҕын ыт соһор. Бэрт аҕыйах, сүрэхтээх ыал туһанар. Тоҕо бу маны туһаҕа таһаарарга биир даҕаны урбаанньыт ылсыбатый? Өрүскэ балык элбэх: күстэх, кыһыл харах, борохой, алыһар. Тоҕо ким эрэ дьарыктанан туустаан, ыһаан атыылаабатый?

Төттөрү барыы буолбатах: дьоҕус сирдэргэ элбэх уматыгы ылан орускуокка барыахтааҕар, атынан оҕустарыахха, мустарыахха сөп этэ, ааҕан-суоттаан үлэлиибит диэтэххэ. Дьэ бу маны сыта-тура толкуйдаан көрүөххэ сөп буолуо эбитэ буолуо.

Степан Дмитриев, Үөһээ Бүлүү улууһун Балаҕаннаах нэһилиэгин баһылыга, Саха Өрөспүүбүлүкэтин норуотун хаһаайыстыбатын үтүөлээх үлэһитэ.

  • 2
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением