Издательский дом Редакция Подписка
Погода в Якутске: . 8 oC

СӨ Ил Дархана Айсен Николаев 2023 сылы Үлэ сылынан биллэрбитин чэрчитинэн, үлэ-хамнас тэрээһиннэрин олоххо киирэллэрин тута болҕомтоҕо ылыахха.

СӨ Ил Дархана Айсен Николаев 2023 сылы Үлэ сылынан биллэрбитин чэрчитинэн, үлэ-хамнас тэрээһиннэрин олоххо киирэллэрин тута болҕомтоҕо ылыахха.

Хаҥалас улууһун Тойон Арыы сэлиэнньэтин олохтоохторо - Анна уонна Алексей Никитиннэр 2013 сыллаахха аймахтарын сүөһүлэрин холбоон, бааһынай хаһаайыстыба тэриммиттэр. Бастаан СӨ Тыатын хаһаайыстыбатын министиэристибэтин «Саҥа саҕалааччы пиэрмэр» граныгар кыттан, 1,5 мөл. солк. суумалаах көмө ылан, тыраахтар уонна 50 төбө сүөһү турар хотонун туруорбуттар. 2021 сыллаахха СӨ Тыатын хаһаайыстыбатын министиэристибэтин «Дьиэ кэргэн пиэрмэрэ» граҥҥа ситиһиилэхтик кыттан, 13 мөл. солк. ылан саҥа тыраахтар,  бырысыаптаах тиэхиникэ,  уу таһар массыына,  уо.д.а. тыа хаһаайыстыбатын үлэтигэр наадалаах тэриллэри атыыласпыттар. Билиҥҥи туругунан, Никитиннэр дьиэ кэргэттэрэ 138 ынах сүөһүлээхтэр, ол иһигэр 82 ыанар ынахтаахтар. Сайын устата аймахтарын кытта 300 туонна от бэлэмнииллэр эбит. Кыһын устата отторо тиийэр, эбии 4 туонна уотурба атыылаһабыт дииллэр. Ханна да буоларын курдук, оттуур ходуһа сирэ тиийбэт, онон ынах сүөһүнү иитэргэ мэһэйдэри үөскэтэр диэн кэпсииллэр. Биир сүрүн кыһалҕа  - үлэһит илии көстүбэт, саҥа хотону үлэлэтэр түгэммитигэр барыта алта үлэһит наада буолуо диэн этэллэр.  Билигин үс үлэһиттээхтэр. Ынахтара хотон иһигэр уулуур буолан абыраммыттар.
Үөһээ Бүлүү улууһун Ороһу нэһилиэгэр Айсен Түүлээхэп, Павловтар дьиэ кэргэттэрэ уонна Симон Быккасов, Балаҕаннаах нэһилиэгэр Петр Кардашевскай уонна улуус киинигэр А.Т. Семенова бааһынай хаһаайыстыбалара үрүҥ илгэни оҥоруунан дьарыктаналлар. Балаҕаннаахха П.В. Кардашевскай уонна улуус киинин А.Т. Семенова бааһынай хаһаайыстыбаларыгар оттуур ходуһалара тиийбэт. Биллэн турар, үгүс дьон-сэргэ оттуур ходуһаларын улахан бырыһыаҥҥа түүлэһэн итиччэ элбэх сүөһүнү сыл устата кыстатан таһааран, күөх окко үктэннэрэн элбэхтик ороскуотураллар, түсмүгэр хаачыстыбалаах үрүҥ илгэни оҥорон таһаараллар. Бу хаһаайыстыбаларга  СӨ Тыатын хаһаайыстыбатын министиэристибэтэ, улуустааҕы тыа хаһаайыстыбатын департамена улахан болҕомтоҕо ыланнар, хаалыылаах бааһына сирдэри күрүөлээн-хаһаалаан, элбэх сыллаах от ыһыытын үбүлээһинин быһаарар соруктаах сөптөөх үлэни-хамнаһы ыытыахтарын наада. Бу күнтэн ыла, СӨ Ил Дархана Айсен Николаев 2023 сылы Саха Сиригэр Үлэ сылынан биллэрбитинэн, олохтоох нэһилиэк дьаһалталара сирдэрин-уоттарын быһаарыыга,  күрүөлээһин боппуруостарыгар үп-харчы көрөллөрүгэр күүскэ үлэлиэхтэрин наада дии саныыбын.

Үөһээ Бүлүү улууһун Балаҕаннаах нэһилиэгин баһылыга,

СӨ үтүөлээх үлэһитэ Степан Дмитриев

  • 2
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением