Издательский дом Редакция Подписка
Погода в Якутске: . -12 oC

Бүгүн, тохсунньу 18 күнүттэн, дойду үрдүнэн Ленинград куорат былакаадаттан босхолонуутун 80 сылын бэлиэтииллэр.

Бүгүн, тохсунньу 18 күнүттэн, дойду үрдүнэн Ленинград куорат былакаадаттан босхолонуутун 80 сылын бэлиэтииллэр.

РФ Бэрэсидьиэнэ Владимир Путин эппитинэн, быйыл Ленинград куорат былакаадаттан босхолонуута дойду үрдүнэн, чуолаан эрэгийиэннэринэн ураты таһымнаах, эппиэттээх сыһыаннаахтык бэлиэтэниэхтээх. «Иннибитигэр икки дьоһуннаах историческай суолталаах бэлиэ түгэннэр буолаллар. 2023 сылга Ленинград куорат төгүрүйүүтүн үлтүрүтэн босхолонуута 80 сылын, оттон 2024 сылга  Ленинград куорат былакаадаттан букатыннаахтык босхолонуута 80 сылын бэлиэтиибит»,–  диэн Владимир Путин чопчулаабыта.

Тохсунньу 18 күнэ Аҕа дойду Улуу сэриитин летопиһыгар букатыннаахтык суруллубута. Чопчу бу күн, 80 сыл анараа өттүгэр, «Искра»  Ленинградтааҕы уонна Волховскайдааҕы фроннар Ленинград былакаадатын төгүрүйүүтүн үлтүрүтэн босхолобуттара.

Ленинград куорат былакаадата 1941 с. балаҕан ыйын 8 күнүттэн саҕаламмыта уонна 872 күн устата барбыта. Бу кэмҥэ 632 тыһ. тахса киһи хоргуйан өлбүтэ, оттон 17 тыһ. кэриҥэ гражданскай олохтоохтор буомбалааһыҥҥа суох буолбуттара. Төһө да ыарахаттар баалларын үрдүнэн, фашистскай эрэсиим олохтоохтор эрэллэрин соппотоҕо. Ленинград олохтоохторун тулхадыйбат тулуурдара уонна куорат босхолоонуутун иһин охсуспут буойуттар ааттара устуоруйаҕа букатыннаахтык хаалыахтара.

Ленинград туһаайыытынан кыргыһыы Аҕа дойду Улуу сэриитин хаамыытыгар бэлитиичэскэй уонна байыаннай стратегическай суолтатынан сүҥкэн суолталаах буолбута. Ол курдук, фашистскай Германия үгүс байыаннай тиэхиньикэтин, тыыннаах күүһүн түмэр, атын стратегическай хардыыларын олоххо киллэрэр кыаҕын сарбыйбыта, күүһүн-уоҕун өһүлбүтэ. Ийэ дойду, куорат туһугар норуот, олохтоохтор бүттүүн Кыһыл Аармыйаны кытары тулхадыйбат модун санааланан, күүһү-уоҕу биир сыалга түмэн, улууканнаах хорсун быһыыны, тулууру көрдөрбүттэрэ. Үгүс өлүүнү-сүтүүнү көрсүбүттэрин, улахан аччыктааһыны, тоҥууну-хатыыны тулуйбуттарын таһынан, Ленинград куорат туһугар норуот фронугар бары кыттыбыттара, үгүстэр олохторун толук уурбуттара. Маннык сүдү түгэн саха норуота, биһиги чулуу дьоннорбут, буойуттарбыт, биир дойдулаахтарбыт, оччотооҕу байыаннай кэм сиэринэн быһаччы кыттыбыттарын туһунан устуоруйа чахчыларын үгүс кинигэлэргэ, ыспыраапкаларга, Ленинград былакаадатын, сэриитин кыттыылаахтарын ахтыыларыттан билэбит.

Ленинград былакаадатын кыттыылаахтарын, бэтэрээннэрин, оҕолорун, устуоруйа чахчыларын туһунан электроннай кинигэҕэ киирбит матырыйааллары, ыстатыйалары, истиҥ ахтыылары уонна кырдьыктаах кэпсээннэри ЯкутияПомнит/Саха Сирэ умнубат саайка киирэн билсиҥ, ааҕыҥ, сэргээн уонна үллэстиҥ.

Ытык дьоммут – аҕаларбыт, эһэлэрбит, хос эһэлэрбит бойобуой суолларын, хорсун охсуһууларын, дьоһун олохторун ахтан-санаан, кэриэстээн, ытыктаан ааһыаҕыҥ.

  • 4
  • 0
  • 0
  • 1
  • 1
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Лента новостей

Суоппар буолар уустугурда

Муус устар 1 күнүттэн байаҥкамаат бэбиэскэтиттэн куотунар дьону тырааныспары ыытар…
28.03.24 17:19
Лента новостей

Интерактивнай быыстапка

«Арассыыйа – Мин устуоруйам» мультимедийнай устуоруйа пааркатыгар кулун тутар 20 күнүттэн…
28.03.24 16:23