Саха Сиригэр сыл ахсын алталыы уһуйаан үлэҕэ киириэҕэ
Издательский дом Редакция Подписка
Погода в Якутске: . -48 oC

Бүгүн, тохсунньу 23 күнүгэр, Дьокуускай куоракка  “Оҕо аймах - инники сайдыы тирэҕэ” педагогическай пуорум үлэтин саҕалаата.

Бүгүн, тохсунньу 23 күнүгэр, Дьокуускай куоракка  “Оҕо аймах - инники сайдыы тирэҕэ” педагогическай пуорум үлэтин саҕалаата.

Оскуола иннинээҕи үөрэхтээһини сайыннарыы чэрчитинэн, өрөспүүбүлүкэбитигэр сыллата саҥа алталыы уһуйаан үлэҕэ киириэҕэ. Маны тэҥэ, иитээччилэр хамнастарын улаатыннарыы боппуруоһа турар. Бу туһунан Ил Түмэн бэрэссэдээтэлин солбуйааччы Антонина Григорьева пуорум арыллыытыгар иһитиннэрдэ.

«Оскуола иннинээҕи үөрэхтээһин хаачыстыбатын үрдэтиини тобулуохтаахпыт, үлэни торумнуохтаахпыт. Биһиги иннибитигэр саҥа ирдэбиллэргэ сөп түбэһэр социальнай-педагогическай систиэмэни олохтооһун, хас биирдии уһуйаан кыаҕын быһааран көдьүүстээхтик салайыы боппуруостара тураллар. Бу уһуйаан тус кыаҕыттан, хааччылыытыттан тутулуктаах.

Быйылгыттан сыл ахсын алталыы уһуйааны үлэҕэ киллэриэхпит. Бу иннинэ сылга биэстии уһуйаан тутуллара. Саҥа ирдэбиллэргэ сөп түбэһэргэ хамнастан элбэх тутулуктаах. Билиҥҥитэ, статистика көрдөрѳрүнэн, орто хамнас 70 тыһ. солк. тэҥнэһэр. Өрөспүүбүлүкэ салалтата оскуола иннинээҕи үөрэхтээһин эйгэтин үлэһиттэрин хамнастарын үрдэтэргэ үлэлэhэр», — диэн Антонина Григорьева эттэ.

Пуорумҥа Сахабыт Сирин араас муннуктарыттан педагогическай уопсастыбаннас бэрэстэбиитэллэрэ кыттыыны ылаллар. Тэрээһин түмүгүнэн Сахабыт Сиригэр оҕо саас бигэтик сайдарыгар усулуобуйа тэрийиигэ саҥа кэнсиэпсийэ ылыллыаҕа. Кэнсиэпсийэҕэ олоҕуран, XXI үйэ кэмпитиэнсийэлэригэр сөп түбэһиннэрэн, биир кэлим үөрэх эйгэтэ олохтонуоҕа.

Манна даҕатан, педагогтар пуорумнарын чэрчитинэн, пленарнай мунньах уонна үрдүк үөрэх кыһа ректордара, ХИФУ пединститутун преподавателлара, Саха Национальнай бибилэтиэкэ салайааччылара, уһуйаан иитээччилэрэ уонна үлэһиттэрэ кыттыылаах төгүрүк остуоллар ыытыллыахтара. Баҕалаах иитээччилэр “ФГОС-ка оскуола иннинээҕи үөрэхтээһин ирдэбиллэрин учуоттаан, уһуйааҥҥа үөрэтии саҥа ньымалара” диэн ис хоһоонноох квалификацияны үрдэтии куурустары ааһыахтара.

Тэрээһин туһунан сиһилии хаһыат аныгыс нүөмэригэр билсээриҥ.

  • 1
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением

Другие новости

Сэргээ

Моника

Университекка экэниэмикэҕэ лиэксийэ ааҕарын таһынан, Сандал Николаевич бастакы…
28.01.23 17:54