Ол быhыытынан Айаал Аммосов олохтоох оскуола алын кылаас уолаттарын айылҕаҕа илдьэ тахсан, саха киһитин төрүт дьарыгын — булт туһунан кэпсээтэ, айылҕаҕа сылдьыы сиэрин-туомун билиһиннэрдэ. Оҕолор кыылы суоллууру, киискэ тоһуур иитэри илэ харахтарынан көрөн сэргээтилэр. Ону таһынан пневматическай саанан сыал ытан холоннулар.
Бу тэрээһини "Айылгы" кулууп үлэhиттэрэ, дириэктэр Надежда Аммосова, уус-уран салайааччы Марфа Федорова тэрийдилэр. Манна кыттыбыт уолаттар, төһө да кыра буоллаллар, саха төрүт дьарыгын илэ харахтарынан көрөн-истэн, астынан, харахтара чоҕулуһан олордулар. Бу күнү кинилэр куруук өйдүү-саныы сылдьыахтара. Кэлин бэйэлэрэ бултуур, оҕолору үөрэтэр дьон бэртэрэ буолан туруохтара.
Мария Николаева
Хаартыскаҕа Надежда Аммосова түһэриитэ
- 0
- 0
- 0
- 0
- 0
- 0