Дьокуускайга ХИФУ сүрүн кыһатыгар, итиэннэ Нерюнгритааҕы салааҕа, Тиэхиниичэскэй институкка үөрэнэр устудьуоннарга стипендия — 19 486 солк. Мииринэйдээҕи Политехническай институкка — 23 662 солк.
Маннык стипендия күнүскү үөрэххэ федеральнай бүддьүөт суотугар үөрэнэр 20-гэр диэри саастаах устудьуоннарга, 1 группалаах инбэлиит соҕотох төрөппүттээх оҕолорго төлөнөр. Ааспыт сыл түмүгүнэн Арассыыйа үрдүнэн нэһиилэ тиийинэн олорууга оройуоннааҕы эбилик ааҕыллар, стипендия кээмэйэ итинтэн тахсар. Биллэрин курдук, Дьокуускайга, Нерюнгрига оройуоннааҕы эбилик — 1,4%, Мииринэйгэ —1,7%.
ХИФУ Үпкэ-экономикаҕа управлениетын былаанныыр-экономическай отделын начаалынньыга Лена Готовцева иһитиннэрбитинэн, ХИФУ сүрүн кыһатын бакалавриатыгар уонна специалитетка 2023с. стипендия кээмэйэ маннык:
1 куурус устудьуоннарыгар бастакы семестрга — 4238 солк.;
“5” сыанаҕа үөрэнэр устудьуоннарга кууруһуттан көрөн 7461 – 10918 солк.;
“4” сыанаҕа үөрэнэр устудьуоннарга 7 070 - 8 982 солк.
Магистраннарга 8 982 - 10 918 солк. Омук сириттэн үөрэнэ кэлбит дьоҥҥо стипендия - 2 695 солк.
Аспираннарга - 12 939 солк., РФ Наукаҕа, үөрэхтээһиҥҥэ министиэристибэтэ бигэргэппит испииһэгинэн научнай-педагогическай үлэһиттэри бэлэмнииргэ төлөнөр стипендия - 20 698- 22 057 солк. Тас дойдуттан үөрэнэ кэлбит дьоҥҥо стипендия быдан кыра - 5 305 - 13 518 солк.
Успуорка, култуураҕа чаҕылхай ситиһиилээх, уопсастыбаннай олоххо көхтөөх устудьуоннарга үрдэтиллибит стипендия - 11 000 – 22 000 солк.
«Стипендия инфляция кээмэйиттэн көрөн сыл аайы балаҕан ыйыгар үрдэтиллэр. Үчүгэйдик үөрэнэр, ситиһиилээх оҕолор үрдүгү ылаллар. Сокуон барылыгар стипендияны хамнас алын кээмэйигэр тэҥнииргэ этии киллэрбиттэрэ билиҥҥитэ өссө быһаарылла илик», — диэн эбэн эттэ Лена Готовцева.
-
0
-
0
-
0
-
0
-
0
-
0
