Сберга эмиэ саңа усулуобуйаларынан IT-ипотеканы ылыахха сѳп буолуоҕа. Бырабыыталыстыба быhаарыытыгар сѳп түбэhиннэрэн, баан минимальнай ыйдааҕы дохуокка ирдэбиллэри сымнатар.
Миллионник-куораттарга, Москваттан ураты, кини 150 тыh. солкуобайтан 120 тыh. солкуобайга диэри, оттон атын куораттарга – 100 тыh. солкуобайтан 70 тыh. солкуобайга диэри намтатылынна. Москва олохтоохторугар алларааңңы планка уларыйбата — 150 тыh. солкуобай.
Сберга IT-ипотеканы мантан инэ эдэр исписэлиистэр 18 саастарыттан саҕалаан ылар буолуохтара. Урукку курдук, 22 саастарыттан буолбатах. Оттон килийиэн муңутуур сааhа 45-тэн 50 сааска диэри үрдэтилиннэ.
Льготнай ставканы хаалларар туhугар сойуом ылбыт киhи IT-хампаанньаҕа кирэдьиитин тѳлүүр болдьоҕор барытыгар үлэлиир эбээhинэстэммэт, арай бастакы 5 сылга эрэ ол ирдэнэр. Онтон ордуга, үлэhит уурайар түбэлтэтигэр саңа үлэни аккредитацияламмыт IT-хампаанньаҕа 6 ый кѳрдүѳн сѳп буолла — эрдэ бу болдьох 3 ый этэ. Итиэннэ бу кэмңэ ставка улааппат.
Ону тэңэ кинилэр үлэhиттэрэ бу бырагырааманан туhанар кыахтаах аккредитацияламмыт IT-хампаанньалар ахсааннара икки тѳгүл улаатта — 10 тыhыынчаттан 20 тыh. диэри.
- 0
- 0
- 0
- 0
- 0
- 0