Сүүһүнэн тыһыынча үрдүк хамнас сир баайын хостуур бырамыысыланнаска, IT эйгэҕэ, тутууга төлөнөр. Дойду аҕа баһылыга Владимир Путин “ыам ыйынааҕы ыйааҕар” киирбит үлэһиттэргэ (быраастарга, медсиэстэрэлэргэ, учууталларга, култуура үлэһиттэригэр) эрэгийиэн орто хамнаһыгар, ол аата 96 372, 5 солк. өссө 100-200% эбиллиэхтээх диэн этэн турар. Итиниэхэ федеральнай киинтэн туһунан үп көрүллэр. Онон харчылаах испииһэккэ киирбит дьон хамнастара быйыл өссө үрдүөҕэ.
Тэҥнээн көрдөххө, Мосстат дааннайынан, Москваҕа 2022 с. орто хамнас 120 000 солк. тэҥнэстэ, орто хамнастан үрдүгү сир баайын хостуур бөдөҥ хампаанньалар үлэһиттэрэ 274 000 солк., үп-харчы, страховкалааһын эйгэтигэр 238 000 солк. информация, сибээс салаатыгар 176 000 солк. ылаллар. Москваҕа быраастар 161 000 солк., үөрэх эйгэтин үлэһиттэрэ 102 000 солк. хамнастаахтар.
Дойду үрдүнэн үрдүк хамнастаах эрэгийиэн ахсааныгар Чукотка — 120 600 солк., Ямало-Ненецкай автономнай уокурук — 111 200 солк., Магадан уобалаһа — 102 800 солк. киирдилэр. Оттон саамай кыра хамнас соҕуруу эрэгийиэҥҥэ, Краснодарскай кыраайга, Крымҥа, Ростовскай, Волгоградскай, Астраханскай уобаласка, о.д.а. төлөнөр, манна орто хамнас 36 000 солк.
-
3
-
0
-
30
-
4
-
3
-
30
