Бүддьүөт үлэһиттэрин хамнастарын пуондата 5,7% үрдүөҕэ уонна 56,9 тыһыынча киһини хабыаҕа.
Кирилл Бычков этэринэн, хамнас үрдээһинэ атыыланар табаар уонна өҥө сыанатын индексыгар сөп түбэһиэхтээх. Маныаха, хамнас төлөбүрүн индексациялааһыҥҥа 2,9 млрд солк. тахса үп наада, ол иһигэр өрөспүүбүлүкэ судаарыстыбаннай бүддьүөтүн үбүттэн 2,6 млрд солк. тахса, булгуччулаах мэдиссиинэ страховкатын пуондатын үбүттэн 304 мөл. солк. кэриҥэ.
Маны таһынан, мунньахха экэниэмикэ, социальнай эйгэ, судаарыстыбаннай уонна муниципальнай салайыныы салааларын дааннайдарыгар олоҕурар салайыы принциптэрин олохтооһуну көрдүлэр.
Судаарыстыбаннай былаас уорганнарыгар, боломуочуйалары үрдэтиигэ, ону сэргэ туһанааччылар бэйэлэрэ үлэлиир инфраструктураларыгар салайар быһаарыылары ыларга дааннайдары анаалыстааһын уонна кэтээн көрүү (визуализация) тиһигэр анаалыстыыр үлэни автоматизациялааһын киирэр.
Өрөспүүбүлүкэ премьерэ автоматизациялааһын тиһигин киллэрии биэдэмистибэлэр хардарыта бииргэ үлэлээһиннэрин тупсарар кыахтааҕын бэлиэтээтэ. "Тиһиги киллэрии дааннайдар дириҥ аналитикаларын түргэтэтэргэ көмөлөһүө, мантан сиэттэрэн, салайар быһаарыылары ылыы хаачыстыбата тупсуо. Онтон дааннайдары кэтээн көрүү Бырабыыталыстыба үлэтин өссө дьэҥкэрдэн көрдөрүө", - диэн Кирилл Бычков эттэ.
Маны сэргэ, мунньах бэбиэскэтигэр кырдьаҕастарга уонна инбэлииттэргэ иитиэх дьиэ кэргэттэри тэрийии усулуобуйатын туһунан, итиэннэ урбаанньыттарга үлэтэ суох инбэлииттэри үлэҕэ ылыы ороскуотун хааччыйыыга судаарыстыбаннай субсидияны биэрии боппуруостара көрүлүннүлэр.
Хаартыска: Саргына Скрябина, ЯСИА
-
0
-
0
-
0
-
0
-
0
-
0
