Издательский дом Редакция Подписка
Погода в Якутске: . -14 oC

Ил Түмэҥҥэ Дьахталлар Аан дойдутааҕы күннэринэн  парламентарий дьахталлар уопсастыбаннай-политическай кулууптарын мунньаҕа буолла. Мунньахха Ил Түмэн ааспыт ыҥырыыларга дьокутааттара, Ил Түмэн сис кэмитиэтин бэрэссэдээтэллэрэ, Дьокуускай к Дууматын дьокутааттара, өрөспүүбүлүкэ дьахталларын тэрилтэлэрин сойууһун президиумун чилиэннэрэ кытыннылар.

Ил Түмэҥҥэ Дьахталлар Аан дойдутааҕы күннэринэн  парламентарий дьахталлар уопсастыбаннай-политическай кулууптарын мунньаҕа буолла. Мунньахха Ил Түмэн ааспыт ыҥырыыларга дьокутааттара, Ил Түмэн сис кэмитиэтин бэрэссэдээтэллэрэ, Дьокуускай к Дууматын дьокутааттара, өрөспүүбүлүкэ дьахталларын тэрилтэлэрин сойууһун президиумун чилиэннэрэ кытыннылар.

Парламентарий дьахталлар уопсастыбаннай-политическай кулууптарын салайааччы, Ил Түмэн наукаҕа, үөрэхтээһиҥҥэ, култуураҕа, иһитиннэрэр-маассабай сириэстибэлэргэ уонна уопсастыбаннай тэрилтэлэргэ сис кэмитиэтин бэрэссэдээтэлэ Феодосия Габышева мунньаҕы саҕалыырыгар кулууп чилиэннэрин бырааһынньыгынан эҕэрдэлээтэ, өрөспүүбүлүкэ социальнай-экэнэмиичэскэй олоҕор көхтөөх кыттыыларын иһин махтанарын биллэрдэ, инники өттүгэр өссө үрдүк ситиһиилэри баҕарда. Кулууп 2022 с. сэтинньи 10 күнүгэр ыытыллыбыт мунньаҕар Ийэ сылын түмүктэрэ таһаарыллыбытын, Ил Түмэн оҥорбут көҕүлээһиннэрин уонна Ил Дархан Айсен Николаев «Байыаннай сулууспалаахтар дьиэ кэргэттэрин өйөөһүн туһунан» ыйааҕын олоххо киллэрии туһунан дьүүллэспиттэрин кэпсээтэ. Владимир Путин олунньу 21 күнүгэр оҥорбут Анал туһаайыытын тосхоллорун быһаарда.

Ааспыт мунньахха уон суох сыл устата олохтоох салайыныы бэрэстэбиитэллээх уорганнарын үлэлэригэр, дьахтар, оҕо, дьиэ кэргэн сыаннастарын бөҕөргөтүүгэ кылааттарын киллэрбит дьокутаат дьахталлары наҕараадалыырга анаан, Саха АССР Үрдүкү Сэбиэтин Президиумун Бэрэссэдээтэлэ Александра Овчинникова аатынан бэлиэ олохтоммута. Бүгүн дохсун ытыс тыаһыгар доҕуһуоллатан, Аллараа Халыма улууһун култууратын управлениетын начальнига, оройуон сэбиэтин III, IV, V ыҥырыыларга дьокутаата Альбина Винокурова, С.П.Данилов аатынан Бэрдьигэстээх орто оскуолатын дириэктэрэ, оройуон сэбиэтин III, IV, V ыҥырыыларга дьокутаата Маргарита Константинова, Ньурбатааҕы «Урбааны өйүүр киин» муниципальнай бүддьүөт тэрилтэтин генеральнай дириэктэрэ, оройуон сэбиэтин III, IV, V ыҥырыыларга дьокутаата Ньургуйаана Михайлова саҥа бэлиэнэн итиэннэ Ил Түмэн II, III, IV ыҥырыыларга дьокутаата Альбина Поисеева өрөспүүбүлүкэ үбүлүөйдээх мэтээлинэн наҕараадаланнылар.

А.Поисеева_нагр.jpg

Дьахталлар тэрилтэлэрин сойууһун бэрэссэдээтэлэ Анжелика Андреева 2022 с. ахсынньы 29 күнүгэр Арассыыйа Бырабыыталыстыбата бигэргэппит судаарыстыбаннай бэлиитикэ сүрүн тосхоллорун (2023-2030 сс. дьахталлар интэриэстэрин национальнай стратегиятын) биэс хайысхатын сырдатта. Саха Өрөспүүбүлүкэ бу үлэҕэ хайдах кыттыахтааҕын туһунан быһаарда.

«Биир ньыгыл Арассыыйа» политическай баартыйа дьахталлар хамсааһыннарыгар ылыммыт бырайыага анал байыаннай эпэрээссийэҕэ сылдьар дьон дьиэ кэргэттэрин, урбаанньыттары, уопсастыбаннай хамсааһыннары кытары о.д.а. үлэҕэ туһаайыллыбыт хайысхалардаах. Олорго сыһыарыллыбыт эппиэттээхтэр кэккэлэригэр парламентарий дьахталлар уопсастыбаннай-политическай кулууптарын чилиэннэрэ Оксана Михайлова, Феодосия Габышева, Евгения Михайлова бааллар эбит. Итини бэлиэтээн туран, Анжелика Андреева сойуус наҕараадаларын: «Саха Өрөспүүбүлүкэтигэр дьахтар хамсааһыныгар кылаатын иһин» бочуоттаах бэлиэни – норуот дьокутаата Феодосия Габышеваҕа, Идэлээх сойуустар федерацияларын бэрэссэдээтэлин солбуйааччы Валентина Кириллинаҕа, Бочуотунай грамотаны – Ил Түмэн II ыҥырыыга дьокутаата Федора Захароваҕа, норуот дьокутаата, Ил Түмэн дьиэ кэргэн уонна оҕо аймах дьыалаларыгар сис кэмитиэтин бэрэссэдээтэлэ Алена Атласоваҕа, Ил Түмэн V ыҥырыыга дьокутаата, «Дьүөгэлэр» дьахталлар аһаҕас пуорумнарын салайар Евгения Михайловаҕа туттартаата.

мунях_АА_1.jpg

Тыл этиитигэр кулууп чилиэннэрэ көхтөөхтүк кытыннылар. Элбэхтэн аҕыйаҕы холобурдаатахха, Ил Түмэн II, III, IV ыҥырыыларга дьокутаата Альбина Поисеева тыйыс айылҕалаах хотугу эрэгийиэннэргэ олорор элбэх оҕолоох ийэлэри биэнсийэҕэ биэс сылынан эрдэ таһаарар туһунан сокуон көҕүлээһинин оҥорон, Судаарыстыбаннай Дуумаҕа киллэрэргэ эттэ.

– Саха чулуу кыыһа, биир дойдулааҕым Александра Овчинникова аатынан бэлиэ 1 №-дээх дастабырыанньатын тутаммын, олус долгуйдум, үөрдүм. Бу миэхэ үрдүк эппиэтинэһи үөскэтэр. Бэйэм төрдүс болдьохпун дьокутаатынан талыллан үлэлиибин. Дьокутаат дьахталлар улууска эмиэ маннык түмсүүлээпит, бары дьаһалларга көхтөөхтүк кыттабыт, – диэтэ Ньурба дьокутаата, Александра Овчинникова аатынан бэлиэнэн наҕараадаламмыт Ньургуйаана Михайлова.

общее.jpg

  • 6
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Лента новостей

Суоппар буолар уустугурда

Муус устар 1 күнүттэн байаҥкамаат бэбиэскэтиттэн куотунар дьону тырааныспары ыытар…
28.03.24 17:19
Лента новостей

Интерактивнай быыстапка

«Арассыыйа – Мин устуоруйам» мультимедийнай устуоруйа пааркатыгар кулун тутар 20 күнүттэн…
28.03.24 16:23