Манна 6 олорор дьиэ, 6 элбэх кыбартыыралаах дьиэлэр уонна 45 ыал тэлгэһэтэ ууга барда. Аймахтарынан, чугас дьоннорунан эмсэҕэлээнээччилэри, барыта 70 киһини, көһөрдүлэр, ол иһигэр 31 оҕолору. Ону сэргэ, ыам ыйын 7 күнүгэр, Мэҥэ-Хаҥалас оройуонун Бэдьимэ уонна Хорообут сэлиэнньэлэригэр кыракый үрэхтэр уутун таһыма үрдээһиниттэн, уопсайа 37 дьиэ тэлгэһэтэ ууга барда, 4 олорор дьиэ оҥкучахтарыгар уу киирдэ.
Маны таһынан кыра үрэхтэр уутун таһыма үрдээн, Кэбээйигэ, Түҥүлүгэ уонна Кэмпэндээйигэ айан-сырыы суол суох буолла. Билигин Горнай оройуонун нэһилиэктэригэр уу таһыма кыралаан түһэрэр. Ол эрээри, халлаан салгыы сылыйан, Горнай уонна Кэбээйи улуустарын кыра үрэхтэригэр уу киириитэ салгыы баран, уу таһыма муҥутуур таһымын куоһарара сабаҕаланар.
Хаартыска: Өрт сэлиэнньэтэ
-
0
-
0
-
0
-
1
-
0
-
0
