Издательский дом Редакция Подписка
Погода в Якутске: . 20 oC

Дойду үрдүнэн дьон олохтон туоруур сүрүн төрүөтэ — тымыр, сүрэх үлэтин кэһиллиитэ, хаан баттааһынын үрдээһинин көрүммэккэ сылдьыы. Аан дойду үрдүнэн Арассыыйа нэһилиэнньэ ахсаана аҕыйыырынан биир үрдүк көрдөрүүлээх.

Ыам ыйын 15-21 күннэригэр хаан баттааһына үрдүүрүн сэрэтэр нэдиэлэ буола турар. Хаанын баттааһынын күн аайы кэмниир, быраас анаабыт эмин иһэр киһи инфаркт, инсульт ыарыыттан, эрдэ күн сириттэн барыыттан харыстаныан сөп.

Дойду үрдүнэн дьон олохтон туоруур сүрүн төрүөтэ — тымыр, сүрэх үлэтин кэһиллиитэ, хаан баттааһынын үрдээһинин көрүммэккэ сылдьыы. Аан дойду үрдүнэн Арассыыйа нэһилиэнньэ ахсаана аҕыйыырынан биир үрдүк көрдөрүүлээх.

Ыам ыйын 15-21 күннэригэр хаан баттааһына үрдүүрүн сэрэтэр нэдиэлэ буола турар. Хаанын баттааһынын күн аайы кэмниир, быраас анаабыт эмин иһэр киһи инфаркт, инсульт ыарыыттан, эрдэ күн сириттэн барыыттан харыстаныан сөп.

Дабылыанньа киһи сааһыттан, эт-хаан өттүнэн хамсанарыттан, истириэстэн, сүрэх үлэтиттэн, тымыр туонуһуттан, төһө уунарыттан тутулуктаах. Хаан баттааһынын үрдээһинин I истиэпэнэ 140/99 көрдөрүүттэн саҕаланан, II истиэпэнигэр 160/109 тиийэр, III истиэпэҥҥэ 180/110 гипертоническай кризка тиэрдиэн сөп.

Гипертоническай ыарыы кыайан эмтэммэт, олоҕуҥ тухары күн аайы эмп иһэн, хааныҥ баттааһынын хонтуруоллуоххун эрэ сөп. Эмкэ убаннахха, киһи үөрэнэн хаалар, аны ол эмиҥ дабылыанньаҕын куттала суох көрдөрүү иһинэн 120/80-130/90 кыайан туппат буолан хаалар. Онон аҥаардас эмкэ эрэ эрэммэккэ, үлэлиир уонна сынньанар эрэсиимҥин тутуһуохтааххын.

Быраастар сүбэлииллэринэн, хаан баттааһына салгыы үрдээбэтин туһугар көмпүүтэргэ үлэлиир бириэмэҕин кыччатыахтааххын, сибиэһэй салгыҥҥа тахсан хаамыахтааххын, 7-8 чаастан итэҕэһэ суох утуйуохтааххын.

Киэһэ 22-23 ч. хойутаабакка утуйар, сарсыарда 7 ч. турар ордук. Сыалаах эт оннугар көтөр этин атыылаһыҥ, элбэх оҕуруот аһын астааҥ, бурдук аһы, минньигэһи фруктанан солбуйуҥ. Тууһу аҕыйатыҥ, уойбут дьон ыйааһыҥҥытын түһэрэ сатааҥ, үгүс командировкалаах, түүҥҥү үлэттэн  аккаастаныҥ.

Доруобай киһи хаанын баттааһына 120/80 үрдүө суохтаах. 130/85 гипертония кыра-кыралаан саҕаланан эрэрин туһунан биллэрэр. Ньиэрбинэйдээтэххинэ, салгына суох итии хоско, түүн уугун хана утуйбатаххына, истириэскэ ыллардаххына, офиска олорон үлэлиир эрээри, эмискэ хамсаннаххына, үлэҕэр аһары ноҕоруускаланнаххына хааныҥ баттааһына эмискэ үрдүөн сөп.  

Үрдүк дабылыанньа тымыры кэбирэтэр, ол иһин 40-45 ааспыт дьон тонометр атыылаһан, бэйэлэрин көрүнэ сылдьыахтаахтар. Хаан баттааһынын туруккуттан көрөн, итиэннэ сарсыарда аайы утуйан тураат уонна киэһэ 22-23 ч. кэмнииллэр.

Хаартыска: https://nelaton.ru/

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Уопсастыба

Киин көмөлөһөр

«Берегиня» дьиэ кэргэҥҥэ оҕону иитиигэ көмөлөһөр киин Дьиэ кэргэҥҥэ элбэх өҥөнү оҥорор…
23.05.24 15:28