“Ырыа күнүн” өрөспүүбүлүкэ таһымыгар утумнаахтык киллэриигэ улахан кылааты киллэрээччинэн, көҕүлээччинэн Алексей Кириллович Калининскай буолар. Кини тэрийбит “Дьүһүй” ырыа кулуубугар сылллата хас да сүүһүнэн ырыаһыт ыллаан-туойан, уһуйуллан ааһар. Бастакынан, Дьокуускай куорат ырыа куттаах олохтоохторугар хор тэриллибитэ, онтон салгыы “Дьиэрэй” Саха национальнай гимназиятын учууталларын ансаамбыллара; “Дьиэрэй ырыа” инбэлиит ыччаттары үөрэтэр мэдиссиинискэй-социальнай уонна реабилитациялыыр лицей-центр учууталларыгар, үөрэнээччилэригэр; 2 №-дээх “Айылгы” оскуола-интэринээт учууталларыгар; “Сахам сааһа” ХИФУ педагогическай институтун устудьуоннарыгар; “Айыы кыһатын” оскуолатыгар уонна Н.Островскай аатынан ырыа кулуубугар. Ити курдук эһиги көҕүлээһиҥҥитинэн бииртэн биир ырыа түһүлгэтэ тиһигин быспакка кэҥии-хаҥыы турар. Бу түмсүүлэр аҥардастыы ырыаҕа эрэ уһуйуунан дьарыгырбаттар, араас аһымал аахсыйалары, тэрээһиннэри, кинигэлэри, диискэлэри таһаарар, айар киэһэлэри ыытар, маастар-кылаастары, семинар-практикумнары, саҥа бырайыактары олоххо киллэрэр, куорат, өрөспүүбүлүкэ култуурунай тэрээһиннэригэр кыттар.
Мин биир дойдулааҕым, бэрэпиэссэр, ырыанньык-бэйиэт К.Д. Уткин – Нүһүлгэн эппитинии “Ыллыыр омук инникилээх, ыллыыр омук эрэллээх, ыллыыр омук кэскиллээх. Онон биһиги ырыаны өрө тутаммыт киммитин-ханныкпыт биллэрэбит уонна санаабытын көтөҕөбүт”. Олоххо дьулууру үөскэтэр, кини кэрэлэрин туойар сөбүлээн ыллыыр, истэр ырыаларбыт бүгүҥҥү судургута суох кэмҥэ биһигини сомоҕолоотуннар, биир санааҕа түмтүннэр!
Барыгытыгар кэскиллээх буолууну, сайдыыны уонна ситиһиини ба5арыбын!
Антонина Григорьева, Саха Өрөспүүбүлүкэтин Ил Түмэнин Бэрэссэдээтэлин солбуйааччы
-
0
-
0
-
0
-
0
-
0
-
1
