Издательский дом Редакция Подписка
Погода в Якутске: . 10 oC

Саха Өрөспүүбүлүкэтин Суруйааччыларын сойууһун чилиэнэ Раиса Тимофеева-Михайлова 2018 сыл кыһыныттан өрөспүүбүлүкэ араас улуустарыгар олорор уус-уран тылга сүгүрүйэр, хоһооҥҥо холонор дьону түмэн үлэлиир.

Саха Өрөспүүбүлүкэтин Суруйааччыларын сойууһун чилиэнэ Раиса Тимофеева-Михайлова 2018 сыл кыһыныттан өрөспүүбүлүкэ араас улуустарыгар олорор уус-уран тылга сүгүрүйэр, хоһооҥҥо холонор дьону түмэн үлэлиир.

Бу ааспыт биэс сыл устатыгар кини сүрүннээһининэн түмсүү кыттыылаахтарын айымньылара, барыта 100 кинигэ, күн сирин көрдө. Ол туһунан түмсүү салайааччыта маннык кэпсиир.

– Мин Хаҥалас улууһун Тиит Арыытыгар бэһис оҕоннон күн сирин көрбүтүм. Орто оскуола кэнниттэн бухгаалтыр идэтигэр үөрэммитим. Үөрэҕим быыһыгар волейболга, теннискэ дьарыктаммытым, өссө волейболга өрөспүүбүлүкэ таһымнаах күрэхтэһиилэргэ судьуйалыыр этим. Үөрэхпин бүтэрэн, Кэбээйигэ үлэлээбитим. «Айылҕаны, тулалыыр эйгэни киртитии, алдьатыы туохха тириэрдэрин дьоммор суруйан тириэртэрбин» диэн баҕа санааттан айар үлэҕэ ылсыбытым. 2010 сыллаахтан хоһоон суруйарга холоммутум. Кэлин батсаабынан айар куттаах дьон түмсүүтүн тэрийбитим. Бу түмсүүгэ айымньыларбытын ырытыһабыт, атын түмсүүлэри кытары көрсүһэбит, уопут атастаһабыт. Бастыҥ айымньылары түмэн, кинигэ оҥорон таһаарабыт.
-- Саха Өрөспүүбүлүкэтин 100 сылын чэрчитинэн, 100 кинигэни таһаарбыт эбиккин дии. Мээнэ киһи ылсыбат үлэтэ!

– Түмсүүм чилиэннэрин хоһооннорунан, 100 кинигэни, ол иһигэр оҕолорго аналлаах 20 кинигэни, таһаардым. Бу сыралаах үлэ түмүгэ. Итинэн Сахабыт сирэ, сахам тыла, норуотум сайдарын туһугар кыра кылааппын киллэрдим.
Бу кинигэлэр элбэх улуустарынан, уһуйааннарга, оскуолаларга, бибилиэтиэкэлэргэ, туһааннаах тэрилтэлэргэ, 200 тахса тэрилтэҕэ тарҕаннылар. 6800 тахса кинигэ бэлэхтэннэ. Туох тахсарын Арассыыйа киин куораттарын бибилиэтиэкэтигэр эмиэ ыыталыыбыт. Үс омук тылынан тахсыбыт «Элиэнэ очуостара» кинигэ аан дойдуга тиийэ тарҕаныаҕа.
– Оҕолорго аналлаах 20 кинигэ диэтиҥ ээ, ол аата оҕолору кытары эмиэ үлэлиир эбиккин.

– «Кэлиҥҥи кэмҥэ оҕолор нууччалыы саҥарар буоллулар» диэн киһи барыта этэр дии. Ол да туһуттан буолуо, сахалыы суруйар оҕо төһө баарын билээри, икки төгүл өрөспүбүлүкэ таһымнаах хоһоон уонна кэпсээн күрэҕин ыыппытым.
Бастакы сырыыга 35 оҕо, иккискэ 67 оҕо кыттыбыттара. Ити оҕолор төрүт тылларыгар интэриэстээхтэрин, айарга-суруйарга баҕаралларын көрдөрөр. Бэл, алта саастаах оҕолор эмиэ хоһоон суруйар эбиттэр. Онон ити сүүс кинигэ иһигэр 20 кинигэ оҕолор айымньыларынан таҕыста!

Раиса Тимофеева-Михайлова сааһыттан тутулуга суох айар куттаах дьону түмэн үлэлиирэ, кинилэр айымньылара күн сирин көрөрүгэр сыралаһара атыттарга холобур буолар. Бу кинигэлэри кини М.К.Аммосов аатынан Хотугулуу-илиҥҥи федеральнай университет типографиятыгар кэпсэтэн бэчээттэтэр, төлөбүрүн ааптардар бэйэлэрэ уйуналлар.

  • 41
  • 1
  • 0
  • 0
  • 0
  • 0

Комментарии (1)

This comment was minimized by the moderator on the site

Дьэ РАИСА НИКОЛАЕВНАҔА ИСТИҤ ЭҔЭРДЭ,СОҔОТОХ КИҺИ ХОЛУГАР СҮҤКЭННЭЭХЭЙ ҮЛЭ,СҮРЭҔИ ҮӨРДЭР САНААНЫ КҮҮРДЭР,СИТИҺИИНИ,ДЬОЛУ---СОРГУНУ,БАРЫТА ЭТЭҤҤЭ БУОЛЛУН ДУУ

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Уопсастыба

4213 сайабылыанньа киирдэ

Халаан уутуттан эмсэҕэлээбит Нам, Өлүөхүмэ, Ньурба улуустарыттан 4000-тан тахса киһи…
27.05.24 17:15