Оттон кыра гостиницаҕа, хостелга түһэр, биллэн турар, чэпчэки, сууккаҕа 1500-2500 солк. булуохха сөп эрээри, аскын бэйэҥ астанаҕын, эбэтэр кафеҕа, остолобуойга аһыыгын. Сөтүөлүүр сириҥ уопсастыбаннай пляж буолан, дьон кып-кыймаҥнас, сороҕор турар-олорор да сириҥ суох буолар. Санаторий сөтүөлүүр сиригэр туораттан дьону киллэрбэттэр, ол иһин хас биирдии киһи аайы шезлонг, күнтэн хаххаланар бүрүөһүн баар.
Байыаннай дьайыы буола турар сирин аттыгар, Крымҥа күн бүгүн туристическай, санаторийга эмтэнэр путевка атыылаабаттар. Онон бу сайын Анапаҕа, Геленджикка, Сочига сынньаныахха сөп.
Турцияҕа инфляция үрдээн, путевка сыаната эмиэ ыараата, аквапаркалаах 5* отельга икки нэдиэлэҕэ икки киһиэхэ 260 000 -280 000 солк. 3* боростуой кыра отельга сыана чэпчэки, икки нэдиэлэҕэ икки киһиэхэ 120 000 солк. булуохха сөп.
Чэпчэки сыаналаах отельга астара эмиэ мөлтөх, эт ас кэмчи, суоҕун кэриэтэ, соктара үксэ кырааскалаах, ууга суурайыллар бороһуоктан оҥоһуллар. Сыаналаах отельга ас хаачыстыбата, сервис уһулуччу үрдүк.
-
0
-
0
-
0
-
0
-
0
-
2
