– Үлэ килбиэннээх куоратын үбүлүөйэ – Алдан оройуонугар эрэ буолбакка, бүтүн өрөспүүбүлүкэ үрдүнэн улахан тэрээһин. Сүрүн соруктара - үбүлүөйдээх дьаһал чэрчитинэн балаҕан ыйын 2 күнүгэр диэри эбийиэктэр тутуулара түмүктэниэхтээх. Оттон үөрэх, култуура, успуорт эбийиэктэрин хапытаалынай өрөмүөннээһиннэрэ министиэристибэлэр уонна биэдэмистибэлэр хонтуруолларыгар ылыллыахтаах, - диэтэ Айсен Николаев.
Санаттахха, 2021 с. СӨ Бырабыыталыстыбата Алдан оройуонун дьаһалтатын кытта үбүлүөйдээх былааны оҥорбуттара. Былааҥҥа барыта 8 хайысханан 36 дьаһал киирбитэ, ол иһигэр В.И. Ленин аатытан болуоссаты тупсарыы, «Үлэ килбиэнннээх куората» стелланы туруоруу, 31 элбэх кыбартыыралаах дьиэни көһөрүү, о.д.а.
Билигин «Алдан куорат» МТ бу үлэлэри саҕалаата. Эбийиэктэр быйыл балаҕан ыйын 2 күнүгэр үлэҕэ киирэллэрэ былааннанар.
Ил Дархан Айсен Николаев сүбэ мунньах түмүгүнэн тэрийэр кэмитиэти кытта СӨ Үпкэ министиэристибэтэ Алдан куорат 100 сыллаах үбүлүөйүгэр тэрээһиннэри олоххо киллэриигэ эбии үп-харчы көрөллөрүгэр сорудахтаата.
-
0
-
0
-
0
-
0
-
0
-
0
