Билигин ким баҕарар интэриэһинэй уонна ураты информацияны оҥорор, киэн эйгэҕэ тарҕатар, элбэх ааҕааччылаах уонна «сурутааччылаах» буоллаҕына, «блогер» диэн ааттанар. Манна биири өйдүөх тустааххыт - блогер «бэйэтин туһатыгар» оҥорор информацияны уларытан, бу үлэттэн араас көрүҥнээх дохуот киллэринэр түгэнигэр, хайаатар да нолуок төлүүр эбээһинэстээх.
Күн ахсын блогер дохуот киллэринэр буоллаҕына, дьарыга урбаан эйгэтин үлэтинэн ааҕыллар. Оччотугар, кини нолуок төлүүр ньыматтан биир табыгастааҕын талан, урбаан быһыытынан регистрацияланыахтаах. Нолуоктааһын уопсай бэрээдэгинэн нолуок төлүүр эбээһинэстээхтэр, онон кинилэргэ эмиэ нолуок төлөөбөт иһин эппиэтинэскэ тардыы уопсай миэрэлэрэ тарҕаналлар. Маннык балаһыанньа РФ Үп министиэристибэтэ ылыммыт 2018 с. атырдьах ыйын 20 күнүнээҕи 03-04-05/58764№-дээх суругар ыйыллар.
Регистрация туһунан сиһилии www.nalog.gov.ru саайка киирэн билсиэххэ сөп.
- Өскөтүн блогер быыһытынан ааҕынар, бу дьарыктан дохуот киллэринэр буоллаххытына, хайаатар да регистрацияланыахтааххыт. Судаарыстыба өттүттэн бу сыалга табыгастаах усулуобуйаны тэрийэр. Инникитин даҕаны нолуок сулууспата нолуогу хайдах быһыылаахтык учуоттуурга, федеральнай сокуону кэспэт туһугар иһитиннэриилэри тарҕатарын салгыаҕа, - диэн Федеральнай нолуок сулууспатын Саха Сиринээҕи салаата иһитиннэрэр.
Санаттахха, «2023 с. муус устар ыйыттан федеральнай нолуок сулууспатын иһинэн блогердары хонтуруоллуур салаа тэрилиннэ уонна 50 мөл. солк. тахса дохуоттаах блогердар реестрин оҥоруоҕа», – диэн Газета.ру иһитиннэрбитэ. Мантан салгыы бу дьарыкка холуобунай дьыала ахсаана үрдүүрэ сабаҕаланар.
-
0
-
0
-
0
-
0
-
0
-
0
