Аланья, Кемер, Бодрум куораттарга дьиэ-уот куортамын сыаната аһары үрдээн, күҥҥэ хаста даҕаны тото-хана аһатар отель сыанатыгар тэҥнэстэ. Баара-суоҕа сыл аҥаарыгар Аланьяҕа дьиэ куортамын сыаната 115%, Кемерга 95%, Бодрумҥа 55%, Мармариска, Фетхие 50% үрдээтэ.
Эспиэртэр этэллэринэн, Турцияҕа дьиэ атыылаһар омук дьонуттан Арассыыйа олохтоохторо 1 миэстэни ылаллар. Былырыын биир дойдулаахтарбыт 16 312 дьиэни атыылаһан, дьиэ-уот ырыынагын өлүүтүн 24% ылбыттар, оттон быйыл сыл бастакы биэс ыйыгар кинилэр өлүүлэрэ 34% тиийбит.
Арассыыйа олохтоохторо үксүн Аланья, Мерсин куоракка хамаҕатык дьиэ атыылаһаллар, ол иһигэр биллэр-көстөр сахалар эмиэ бааллар.
-
0
-
0
-
0
-
0
-
0
-
0
