Бу үлэ чэрчитинэн, Дьааҥы улууһун Хайыһардааҕар интернет кыаҕын күүһүрдэр пилотнай бырайыак олоххо киллэрилиннэ. Ол түмүгэр, манна аргыс сигнала быдан туруктах буолара итиэннэ интернеккэ киирии үс төгүл түргэтитиллэрэ ситиһилиннэ.
– Интернетинэн сибээс күннээҕи олоххо суолтата улаатан иһэр. Холобур, мин Дьокуускайга олорор оҕолорбун кытары билсэ турабын, баан сыһыарыыларынан туһанабын. Бөһүөлэк олохтоохторо интернеккэ аргыс көмөтүнэн холбонобут, «АрктикТелеком» абоненнара буолабыт. Кинилэр кыһамньыларынан, соторутааҕыта интернеппит биллэрдик түргэтээтэ, – диэн үөрэн кэпсиир Татьяна Рожина.
Арассыыйаҕа оҥоһуллубут «Экспресс-АМУ3» аппараат 2022 с. ыам ыйыттан туһаныллар. Хайыһардаах абоненнарын бу аппараат аргыһыгар көһөрүү «АрктикТелеком» уонна «Космос сибээһэ» ФГУТ бииргэ үлэлээһиннэрин түмүгэ буолар диэн Инновация, сыыппара сайдыыларын уонна инфокоммуникация технологияларын министиэристибэтин пресс-киинэ иһитиннэрэр.
- 0
- 0
- 0
- 0
- 0
- 0