«Арассыыйа Федерациятыгар туристическай үлэ төрүттэрин туһунан» 132 №-дээх федеральнай сокуоҥҥа олоҕуран, Туризмы сайыннарыы өрөспүүбүлүкэтээҕи ааҕыныстыбата учуот бары тиһиктэрин түмэр 1,5 сыллаах үлэтин бүтэрдэ. Учуот саҥа тиһигэ картография уонна навигация ситимигэр, суол-иис инфраструктуратын уорганнарыгар, үөрэх тэрилтэлэригэр, иһитиннэрэр-биллэрэр сириэстибэлэргэ бигэргэммит биир кэлим чахчылары хааччыйыаҕа.
Учуот саҥа кэлим тиһигин кэрискэтигэр 365 култуура нэһилиэстибэтин эбийиэктэрэ, айылҕа өйдөбүнньүктэрэ, ытык уонна кэрэ-бэлиэ сирдэр киллэрилиннилэр. Бүгүн Туризмы сайыннарыы өрөспүүбүлүкэтээҕи ааҕыныстыбата, Геокултуурунай сайдыы института, Култуура нэһилиэстибэтин эбийиэктэрин харыстабылын өрөспүүбүлүкэтээҕи департамена уонна Бүтүн Арассыыйатааҕы история уонна култуура өйдөбүнньүктрин харыстааһын уопсастыбата түөрт өрүттээх сөбүлэһиигэ илии баттаатылар.
«Үрдэл» сынньалаҥ паарката Саха Сирин кэрэ-бэлиэ сиринэн официальнайдык билинилиннэ. Былырыын пааркаҕа 370 тыһыынча киһи сылдьыбыта, быйыл да онтон итэҕэһэ суох буолла диэн Урбаан, туризм уонна эргиэн министиэристибэтин пресс-киинэ иһитиннэрэр.
-
4
-
0
-
0
-
0
-
0
-
0
