.jpg)
Биэнсийэлээхтэргэ федеральнай уонна эрэгийиэннээҕи таhымҥа биэнсийэлэрин эбэн биэриэхтэрэ. Кимиэхэ эрэ ыйдааҕы тѳлѳбүрдэр улаатыахтара, оттон ким эрэ биирдэ бэриллэр тѳлѳбүрү арыый улааппыт кээмэйинэн ылыаҕа.
Арассыыйа социальнай пуондатыгар бу ыйга 2022 сылга үлэлээбит биэнсийэлээхтэр страховой биэнсийэлэрин хат суоттааhынын ыыталларын туhунан иhитиннэрдилэр. Онуоха ханнык да сайабылыанньа наадата суох. Тѳлѳбүрдэри уларытан биэрии былырыын үлэ биэрээччилэр страховой усунуостары тѳлѳѳбүт, кырдьаҕаhынан уонна инбэлииттээҕинэн биэнсийэлэри ылааччылары барыларын таарыйыаҕа. Дьиэ кэргэни иитэн олорор киhилэрин сүтэрбиттэринэн сибээстээн биэнсийэни ылааччыларга тѳлѳбүр эмиэ улаатыаҕа.
Балаҕан ыйын 1 күнүттэн индексацияламмыт биэнсийэни үлэлээн бүппүт аҕам саастаах дьоннор тутуохтара.
Оттон 2023 сыл балаҕан ыйыгар 80 саастарын туолбут биэнсийэлээхтэр биэнсийэлэригэр эбии 7567 солкуобай 33 кэппиэйкэни ылыахтара. Итиэннэ бу кэмтэн инбэлиидинэс бастакы группата туруоруллубут инбэлииттэргэ биэнсийэлэрин хат ааҕыахтара. 80 саастарын туолбут эбэтэр бастакы группалаах инбэлиит биэнсийэлээхтэри кѳрѳр-истэр киhиэхэ ыйга 1200 солкуобай тѳлѳнѳр.
Итини тэҥэ балаҕан ыйыттан бинсийэҕэ эбиллиини эрэгийиэн таhымыгар ылыахха сѳп. Бу олохтоох былаас уорганнарыттан эбии тѳлѳбүрдэри ылар биэнсийэлээхтэргэ сыhыаннаах. Тѳлѳбүрдэр суумалара биэнсийэлээх киhи сааhыттан тутулуктаах.
90 сааhын туолбут киhиэхэ биир кээмэйдээх тѳлѳбүр – 15 000 солкуобай, 95 сааска – 20 000 солкуобай, 100 сааска – 25 000 солкуобай, оттон 100 саастарын ааспыттарга (сыл аайы) – 25 000 солкуобай бэриллэр.
-
3
-
0
-
0
-
0
-
0
-
2
