Өрөспүүбүлүкэ үрдүнэн тымныйан ыалдьыы 3851 түбэлтэтэ регистрацияламмыт. Ол эпидемическэй боруоктан үрдүк.
Өрөспүүбүлүкэ территориятыгар грипптэн атын төрүттээх вирустар эргийэллэр – риновирустар, парагрипп вирустара, RC-вирустар, аденовирустар, бокавирустар. Булуллубут вирустар ортолоругар риновирустар баһыйаллар.
Атырдьах ыйыгар Роспотребнадзор “2023-2024 сс. эпидемическэй сезонугар гриппкэ, сытыы респираторнай вируснай инфекцияларга уонна саҥа коронавируснай инфекцияҕа (COVID-19) тэрээһиннэр тустарынан” диэн саҥа уурааҕа күүһүгэр киирбитэ. Билиҥҥи бириэмэҕэ өрөспүүбүлүкэҕэ грипп утары туттуллар вакцина 207 810 дозата киирбит, о.и. оҕолорго аналлаах – 64 620 доза, улахан дьоҥҥо – 143 190 доза.
Быһыыны туруоруу күһүҥҥү хампаанньатын чэрчитинэн 60 %-тан итэҕэһэ суох нэһилиэнньэҕэ быһыы туруоруллара былааннанар. 2023-2024 сс. эпидемическэй сезон кэмигэр грипп утары быһыынан 589 000 киһини, ол иһигэр 199 000 оҕону уонна 390 000 улахан дьону, хабар былааннанар.
Вакцинация нэһилиэнньэ бары араҥаларыгар, 6 ыйдаах оҕоттон саҕалаан, көрүллэр. Итиэннэ буола турар эпидемическэй сезон кэмигэр грипп вируһун ордук актуальнай көрүҥнэриттэн харыстыыр.
Эмчиттэр тымныйан ыалдьыы түбэлтэтигэр бэйэни эмтэниинэн дьарыктаммакка, бырааска көрдөрөргө сүбэлииллэр.
хаартыска интэриниэт ситимиттэн
-
0
-
0
-
0
-
0
-
0
-
0
