«Бастыҥ дьиэ. Бастыҥ олбуор» диэн хаартысканан куонкуруска кыттарга сайаапкалары алтынньы 10 күнүгэр диэри https://moydom.er.ru. сайтка ыытыллар. «Бастыҥ олбуор», «Бастыҥ подъезд», «Саамай иллээх дьиэ» уонна «Энергияны саамай көдьүүстээхтик туһанар дьиэ» диэн түөрт номинациянан күннээҕи үлэни-хамнаһы сырдатар түгэннэри хаартыскаҕа түһэрэн ыытыллар. Норуот куоластааһынынан бастыҥ үлэлэр сэтинньи 10 күнүгэр диэри талыллыахтара.
Саха Өрөспүүбүлүкэтин олохтоохторо бу куонкуруска мэлдьи көхтөөхтүк кытталлар. Былырыын Дьокуускай куорат 10 №-дээх «Туллукчаан» уһуйаана «Бастыҥ олбуор» номинацияҕа бастаабыта. 120 тыһ. солк. наҕараадаламмыта итиэннэ ону кыһын олбуору киэргэтиигэ туһаммыта.
- 0
- 0
- 0
- 0
- 0
- 0