Алтынньы 31 күнүгэр түѳлбэ спортивнай саалатыгар олохтоохтор Ньурба улууhун Сэбиэтин бэрэссэдээтэлэ Ньургуйаана Михайлованы, дьокутааттар Иван Акимовы, Ирина Софронованы уонна Антон Костины кытта көрүстүлэр.
Онно Убайаан оскуолатын тутуу, куорат баанньыгын үлэлэтии, кытыы уулуссалары сырдатыы, сыбаалканы уларытан оҥоруу, о.д.а. олох-дьаhах боппуруостара сытыытык турдулар. Олохтоохтор кыhалҕалаах боппуруостары быhаарарга бэйэлэрин этиилэрин киллэрдилэр.
Ону тэҥэ кэнники кэмҥэ Убайаан түөлбэтин Манчаары уулуссатыгар уот линията, Чусовской уулуссатыгар тротуар, Лесная уулуссаҕа ууну аhарар ханааба оҥоһуллубуттарын улуус уонна куорат салалтатын, дьокутааттарын ѳттүлэриттэн түмүктээх үлэ туоhута диэн сыаналаатылар.
Көрсүһүүнү “Кыталык” КД ырыаһыттара киэргэттилэр.
-
0
-
0
-
0
-
0
-
0
-
0
